Nyan Ban! 2 Droe Mantan Pimpinan DPRK Aceh Utara Gohlom Pulang Moto Dinaih
Nasaja Berita – Aceh Utara, Dua droe pimpinan DPRK Aceh Utara nyang ka abéh masa jabatan (2014-2019) sampé uroe Haméh (5/9) baroe hana geupulang lom moto dinaih u sekretariat DPRK kabupaten nyan. Padahai serah terima jabatan ngön pelantikan anggota DPRK barô kalheuh baroesa bak tanggai 2/9.
Geupeugah lé Sekretarieh DPRK Aceh Utara, Azhari Hasan, 4 droe pimpinan lembaga waki rakyat nyan memang mantöng na hak pakèk moto dinaih seulama sibuleun ukeu. Masa tenggang geukheun lam basa ureung nyan. Teuman lé Pak Azhari hana geupeurinci lé soe-soe mantöng anggota DPRK nyang ka abéh masa jabatan nyan nyang hana lom pulang moto dinaih.
Meunyo keu data 4 droe pimpinan DPRK Aceh Utara periode 2014-2019 yaitu Ismail A Jalil (Ketua dari Partai Aceh) dan lhèè droe waki ketua yaitu Zubir HT (Partai NasDem), Mulyadi CH (PPP) dan Abdul Muthalib (Partai Aceh).
“Dua diantara peut droe pimpinan nyang hana teupiléh lé lam periode kalheuh geupulang moto dinaih jauh-jauh hari. Dua droe teuk hana keuh lom geupulang. Hai lom pih seusuai sit ngön atôran. Jeit ngui mantöng meusibuleun ukeu teuk." Kheun Azhari uroe Hamèh (5/9) baroe.
Geupeugah lom, keu pimpinan DPRK nyang abrô pih kalheuh geupeusampoe nyang bahwa fasilitaih lagè moto dinaih barô keu ureung nyan barô jeut geupakèk eunteuk lheuh jipulang ilèè lé pimpinan DPRK nyang awai.
Saat nyoe, pimpinan DPRK nyang barô mantöng geu ngui moto pribadi geuh untuk jak u kantô, siat nyoe meunan.
"Eunteuk meunyo ka jipulang lé awak pimpinan awai, barô ta jôk keu pimpinan barô. Jinoe dewan nyang barô dilantik nyan teungöh meupeusiap pu-pu nyang peurlè keu keugiatan ureung nyan dan juga teungöh meususôn tata tertib." Kheun gobnyan.
Meunan Apa baca bak AJNN nyang geutuléh lé Safrizal seulaku jurnalieh bak portal nyan.
Nyang peunténg geupulang, kadang teungöh geujak servieh bacut, pu keuh geujak gantoe oli atawa serbieh karburator nyang ka meugeuratan, atawa geu gantoe bhan ilèè. Pat teuntè ilèè. Asai bèk sampé watèè geupulang ka tan lé bhan eunteuk. Lagèè keujadian di Bireuen dan di Meulabôh. Kön dewan nyang suet bhan, tapi pancuri. Bèk eunteuk ka salah meuphôm teuman, ka neupeugah Apa jak seubar fitnah. Nasaja kiraju, trôk keunan suah ta surah.
0 Response to "Nyan Ban! 2 Droe Mantan Pimpinan DPRK Aceh Utara Gohlom Pulang Moto Dinaih"
Post a Comment