Meutuwah! 20 Persen Gaji Dewan Nyoe Keu Bantu Ekonomi Ureung Gasien
Nasaja Berita – Aceh Utara, Mulyadi AMd ureung gampông Kuala Cangkoi, Kecamatan Lapang, Aceh Utara geumeujanji akan geukeubah gaji 20% untuk geubantu ekonomi fakir miskin ,teurutama that keu ureung gampông droe dan daerah pemilihan droe masa pemilu baroe. Keu nyang dari daerah laén geu brie sit meubacut.
Mulyadi teupiléh jeut keu anggota DPRK Aceh Utara röt Partai Demokrat (Partai ata SBY) lheuh meuteumè suara na meu 2.155 neuk dari 114 boh gampông lam 5 boh keucamatan di Aceh Utara.
Le ureung piléh pak Mulyadi nyoe. Hai tinggai DPRK dumnan suara kön keubiet nyo le suara. Gob dum meu 1.000 rap brat bak jiuseuha.
Allumni Politeknik Negeri Lhokseumawe (PNL) resmi jeut keu anggota dewan DPRK Aceh Utara bak uroe Seulanyan (2/9/2019) baroe lheuh jiantik dan cok sumpah atawa janji lé keutua Pengadilan Negeri Lhokskon, Wendra Rais, MH.
"Lôn uroe nyan daftar jeut keu Cleg DPRK Aceh Utara meulalui Partai Demokrat, seubab galak lôn keu SBY. Lheuh nya, lôn kalön di Aceh Utara nyoe, keuta Demokrat Pak Tantawi pih bèrèh that bak geu urôh partai." Kheun Mulyadi nyang jameun tom jeut keu pemain bola bak klub PSLS Junior.
Watèè kompanye awai, Mulyadi geumeungaku hana tom geujak janji akan geujôk 20 persen gaji keu pemberdayaan ekonomi ureung gasin. Tapi barô geupeugah lheuh teulpiléh dan jilantik jeut keu dewan masa periode 2019-2024. Teupat iih bak acara syukuran sajan relawan dari 114 boh gampông nyang jeut keu dapil gobnyan nyang geupeudek acara di Wisma Kuta Karang Baru Desa Keude Aceh, Kecamatan Banda Sakti, Lhokseumawe, Seulanyan, lheuh pelantikan (2/9/2019) baroesa.
"Lôn siap untuk keubah dan sisihkan 20 persen gaji, untuk ta peujuang asoirasi masyarakat dari 5 boh kecamatan nyoe meunurôt keubutuhan masyarakat kawasan nyan." Kheun beliau nyan
Meunurôt geutarget akan sabé geubantu tiep buleun seulama 5 thôn ukeu masaduek keu dewan.
"Hawa lôn masyarakat nyoe beuseunang, beuteukhém, tapi proses jih nyoe hanjeut instan. Jadi beusaba." Kheun Mulyadi. (***)
Meunan Apa baca bak Wartaacut bunoe lheuh woe seumayang Jeumeu'at.
0 Response to "Meutuwah! 20 Persen Gaji Dewan Nyoe Keu Bantu Ekonomi Ureung Gasien"
Post a Comment