Kapaléh! Ganja Geupasoe Lam Bungkôh Kupi, Tapi Jadèh Sit Jibeureukah Lé Peulisi
Nasaja Berita – Banda Aceh, Tim Satuan Reserse Narkoba Polresta Banda Aceh sajan Polsek Darul Imarah, Aceh Rayek ka geujak drop Abuwa Amiruddin (58 thôn) seubab jeut keu tersangka keuneuk kirém narkoba jeunèh ganja, bakông Aceh.
Abuwa Amiruddin nyan nakeuh warga Gampông Geuceu Meunara, Banda Aceh nyan rencana keuneuk kirém pakèt ganja lam bungkôh meulali Jet Express. Alahai Abuwa meutuwah, keupu nyan neujak peulaku. Nyan neukalön ka jibeureukah neuh.
Kasat Reserse Narkoba, AKP Boby Putra Ramadhan Sebayang, lam konferensi pers di Mapolda Aceh uroe Jeumeu'at (6/9/2019) baroe geupeugah na leubèh kureung lhèè kilo ganja ka teubungkôh lam 10 boh nyang siap kirém. Lam bungkôh kupi geu bungkôh di Abuwa nyan. Bungkôh merek Gayo Coffee Aceh Robusta. That paloe teuh. Na can reulöh merek kupi gob buet Abuwa nyan.
Meunurôt rencana geukeuneuk kirém keudéh u Pulo Jawa, Sukabumi Jawa Barat. Geukirém röt Jet Express. Lam kotak rayek geubôh. Teuman hana geupeugah lé Pak peulisi nyan dum töh rayek. Nyang pasti löt 10 boh bungkôh kupi dan 3 kilo asoe.
Bak watèè geupeujôk, hana geuprèh meujijôk keureutah resi nyan pih, langsông geu geu reutôk punggông, cok silop balék kanan ju. That na teuh, hana adab sagai. Adak meudéh kön geujép kupi-kupi ilè dua neuk hinan, p'iep rukok-rukok meusibak, keu mangat ngön awak jaga bak Jet Expess nyan. Trôk bak ayat nyan suah ta peurnoe geuh.
Hinan keuh curiga awak keurija nyan, meujiparéksa teuk. Ban jibuka ka ganja i dalam. Han meuteumè raba hape di awak nyan, bagah-bagah jilapor bak peulisi. Ka meu'oh ju ureung teukeujöt teuman. Pu lom meunyo teulat geulap, na can awak nyan nyang keunöng drop. Na buet teuh lom.
Langsông trôh peulisi keunan bak teumpat nyan. Lheuh nyan jiparéksa lé peulisi. Paih that na tinggai lumbôi hapé Abuwa nyan sinan.
Meujitelipun teuk, jipeugah bak Abuwa nyan nyang bahwa gobnyan tuwö geucok keurtah resi. Keubiet geugisa rupajih. Jiramah geuh ju lé peulisi. Alah hai Abuwa beh. Ka maw'öt droeneuh hinan, adak meuhana neugisa, kön ka na buet peulisi bak jimita-mita droeneuh lam padum uroe.
Meunan Apa baca bak Beritakini ata geutuléh lé bang A. Putra seulaku wartawan bak portal media nyan.
Hinan sampé trôk bak pu pasal keunöng tuntutan na leungkap barang. Teuman pu suah ta peugah trôk keunan saré. Ancaman peunjara maksimal 20 thôn. Teuman keunoe keudéh kön na kureung meusikhan.
0 Response to "Kapaléh! Ganja Geupasoe Lam Bungkôh Kupi, Tapi Jadèh Sit Jibeureukah Lé Peulisi"
Post a Comment