Hana Idin, 5 Droe Awak Kuh Meuh Jibeureukah Le Peulisi Nagan Raya
Nasaja Berita - Nagan Raya, Limong droe awak kuh meuh di Nagan Raya teupat jih di Duson Agoy, Pemukiman Pulo Raga Gampong Panton Bayam Kecamatan Beutong ka jibeureukah le peulisi, seubab awak nyan jikira ilegal jak kuh meuh keunan.
Salah sidroe diantara awak nyan adalah toke, poe peng atawa poe modal, seudangkan dua droe mantong jak kuliah atawa mahasiswa.
Limong droe awak nyan nakeuh HJ (50) thon, seulaku toke nyang peutren modal dan poe beko, HS (21) nyang manteng jak kuliahseulaku operator asbuk, IW (27) supe beko, MR (48) operator beko dan Is (22) nyang mantong mahasiswa seulaku operator asbuk. Aleh pu pih asbuk nyan hom.
Awak nyan man limong jibeureukah le peulisi dari Satreskrim Polres Nagan Raya.
"Awak nyan kamoe drop bak malam Rabu tanggai 11 September, ka poh 2 teungoh malam, seubab awak nyan jijak kuh meuh hana idin, atawa ilegal. Kheun Kasat Reskrim Nagan Raya, AKP Mahliadi bak awak detik.com watee jihubungi uroe Hameh seulingoh jih.
Peulisi phon jih jitueme info bahwasajih na awak kuh meuh hinan nyang hana idin. Pane na, kon langsong jigrak buet, trok u teumpat langsong jibeureukah. Teuman hana keureuam-keureupum meunan cara. tapi jitanyong, pu na idin atawa hana, upajih meusion surat tan sajan. Kakeuh hoe sit jiba laen, meunyo kon lam kanto peulisi jisak geuh dum.
Keu bukti na dua boh beko atawa ekskavator, limong on hambal ijo nyang jipakek untuk jiseumareng, dan dua boh plok serbuk meuh muri, nyang kira-kira jih 22 gram. Seip lah keu jak ba tanda meunyo keuneuk meukawen, leubeh 6 manyam meuh ukuran meuh Banda Aceh.
 |
| Nyan beko nyang jipeuaman |
Nyan neukalon, bek neupike kiban tanoh Aceh nyoe, rata sagoe peng neukiraju. Tapi gasien sit Aceh nyoe. Teuman kon han i lop lam akai teuh. Nyang paih ta cok akai-akai ta keubab siat bak sagoe mon, baro tapike keu Aceh, ngon keunue suah ta pike, bek ngon tuot, pu lom ngon utak, jiteume chng utak-utak teuh, han glah pikeran bak tapike keu Aceh nyang kaya lagoina nyoe, tapi gasien lagee lam ... .. alah hana ta sambong le.
Keu poto nyang ata bak Serambi ngon ata bak Detik.
0 Response to "Hana Idin, 5 Droe Awak Kuh Meuh Jibeureukah Le Peulisi Nagan Raya"
Post a Comment