Awak Parkir Liar Rata Sagoe, Lheuh Nyan Beuö Seuiet Lom

Ilustrasi

Nasaja Berita – Lhokseumawe, Leupah le awak pasrkir hana jeulaih di Kota Lhokseumawe neukiraju. Siat-at priep. Hana jiturie sarie, asai leumah honda atawa moto nyang ka teudöng sinan di binèh jalan, meukh'ap ji yup priep. Uluran ka lagè peulisi lalu litaih, siat-at priep. Meu wasit meu'en bhan hana meunan. Keucuali wasiet meu'en voli.

Nyang icaih ureung, awak becak han jicok parkir. Teuman beh panè mungkén jicok parkir bak becak ilè seudang becak jiparkir seubab jijao intat penumpang atawa sewa. Meuhan sit ka bak pangkalan droe jidöng. Meunan alasan salah sidroe awak parkir di Lapangan Hiraq, Kota Lhôkseumawe.

Warga sinan icaih euh seubab awak parkir nyan meukartu tan sajan jih. Kadang alèh awak panè, ka jijak yup priep parkir. Siat ta peudöng ka parkir. Siat-at pèng.

Geupeugah lé bang Mulyadi, dalah sidroe warga Lhokseumawe, di awak parkir nyan meujicukèh tan honda tanyoe, asai ta ka lheuh ta peusurôt keudroe, ka 2 ribè rupia keu awak nyan.

"Nyoe kön masalah padum pèng, tapi meujitaré tan honda teuh, asai ka ta peuudép ka na ji likôt teuh. Nyan langsông ôn 2 ribè rupiah suah ta suet keu awak nyan. Adak meudéh kön beu na meuhie buet jih bacut, jitarék honda teuh." Kheun gobnyan.

Meunurôt Hamdani, warga Lhokseumawè nyang laén, sit ramè that awak döng parkir nyan hana resmi. Bahkan na teumpat nyang jatah jih hana bayeu parkir ka jidöng awak nyan jilakè pèng.

Geuharapkan bak dinaih teukaét untuk peutertib awak nyan. Bèk sampé keujadian awak nyan lakè pèng tiep uroe, pu keujadian ngön keundraan geutanyoe ka tan tanggông jaweub. Pu lom awak nyan hana resmi. Kheun gob nyan.

"Nyoe kön masalah pèng, tapi keu tugaih ngön tanggông jaweub awak nyan pih beujeulaih." Nyan ban icaih geuh.

Meunan Apa baca bak AJNN nyang geutuléh lé Safrizal. Sit nasaja kiraju, hana meupat-pat teubiet pèng. Meunyo geumadöh helm pat ta cok pulang. Apa kaleuh meunan seubab, icaih teuh sit keu berita nyoe. Nasaja kiraju.

Share this post