2 Buleun Buron, Pancuri Kilang Padè Gampông Jibeureukah Lé Peulisi
Nasaja Berita – Aceh Barat, Kepolisian Resor (Polres) Aceh Barat ka geupeuaman lhèë droe pancuri kilang padè ata gampông Suak Raya, Kecamatan Johan Pahlawan, Meulabôh Aceh Barat.
Meusén kilang padé nyan jicue lam buleun 7 baroe. Teupat jih uroe Jeume'at tanggai 19/7/2019. Nyan bèrèh jih pancuri nyan warga gampông nyan sit. MU alias Digo (26 thôn), MY (34 thôn), dan sidroe sagai awak lua gampông, MH (25 thôn) awak kecamatan Samatiga nyang mantöng kuliah atawa mahasiswa.
That na teuh keupu ata gampông droe jicue. Nyan meunyo beungèh pak geuchiek. Na can geucabôt KTP kiraju. Pu lom meunyo nyan ata gampông. Ukuran geuchiek wah ulè bak geupeutimang ata gampông. Meuhan geuchiek-geuchiek suah lôp penjara neukiraju, meunyo lawét nyoe bak peutimang dana desa. Nyoe ka jak cue lé awak nyan. Pu meukarat that pèng pih di awak nyan. Nasaja kiraju.
Kapolres Aceh Barat, AKBP H.R Bobby Aria Prakasa, bunoe uroe Hamèh (5/9) geupeugah ban lhèë droe pancuri nyan ka lheuh jibeureukah, lheuh na info dari masyarakat pat ji meusom lawét nyoe.
"Awak nyan kamoe drop ka dua uroe u likôt. Na meuteumè peuaman saboh meusén kilang padé nyang golom jipeulagôt." Kheun Pak Kapolres.
Geucalitra lé Pak Bobby nyan koban cara jicue. Teuman hana Apa rawi lé hinoe takôt caröng droeneuh bak ceumeucue eunteuk, neupeudalèh keu Apa Raban nyang peureunoe bak Nasaja Berita. Hana meupu sapu ka suah ta lôp penjara. Tinggai Da Mulah ngön aneuk miet i rumoh. Leupah weuh teuh kiraju meunyo meunan keujadian.
Nyan gara-gara buet awak nyan keunöng ancaman hukôman maksimal sikureung thôn penjara, lagè meutuléh bak hukôm KUHP (Pasal 363 Ayat 1 ke-3e,4e dan 5e Jo Pasal 56 KUHP).
Meunan Apa baca bak AJNN nyang geutuléh lé bang Darmansyah Muda. Nyan muda geuh ka bèrèh meunyo ka tuha singöh bèrèh lom neukiraju. Seubab nan geuh teutap muda hanjeut ubah keu tuha. That na teuh.
0 Response to "2 Buleun Buron, Pancuri Kilang Padè Gampông Jibeureukah Lé Peulisi"
Post a Comment