Wakil Walikota Lhôkseumawè: Kamoe Cok Contoh di Solo, Gampông Jokowi

Nasaja Berita – Lhokseumawe, Lam jeumeu'at phôn peuwajéb meututô lam basa Aceh bak kantô poemerintah Kota Lhoksemawe, Wakil Walikota, Yusuf Muhammad geupeugah nyang bahwa ide atawa pikéran untuk puwajéb meututô basa Aceh seucara resmi lam poemerintah kota nyoe nakeuh ata geupuwoe dari Solo, Jawa Tengah sidéh.

Nyan barô bèrèh nyang pokok jih asai na jak u luwa beu na pu ta puwoe keu nanggroe. Bèk meumada puwoe makanan mangat sagai keu inõng, aneuk atawa lakoe. Meuhan rugoe jeut keu peujabat nanggroe. Kön nyo ilè, meunyo kön, kakeuh. Nyang bèk dawa.

Geucalitra nyang bahwa bak saboh uroe geujak keudéh u Solo. Trôk keunan bak acara nyan ,ka mandum meututô basa Jawa. Bak sang Apa kira, rap teuhah babah rombongan, seubab tan meuphôm gob meututô. Ukuran adak jiteunak pih mantöng ta geureuhieng, seubab hana meuphôm. Tapi hana jiteunak. Yakin teuh.

Meunan geutanyöng bak awak terjemah, rupajih na siuroe lam siminggu awak Solo nyan wajéb meututô basa Jawa. Dan seugala administrasi pomenrintah lam kota Solo bak uroe nyan mandum lam basa Jawa. Nyang hana meuphôm basa Jawa, geuseudia penterjemah. Takôt kadang na trôk jamè dari luwa.

Hinan keuh geukalön dan bak geutimang-timang, jeut ngui di Aceh, terutama jih di Lhôkseumawè.

Nyan neukalön adak kiban-kiban , na sit pu jeut ta cok bak Jawa. Solo nyan sang meunyo hana salah gampông Jokowi, Presidèn Indoneh jinoe. Pu ék beungèh neuh meunyo Apa kheun, memang bèrèh gampông Jokowi nyan. Nasaja kiraju.

Meunan sit ngön nasajaberita.com Apa kalön seugolom na nasaja berita, hana web berita basa Aceh meusaboh pih. Seudang lam basa Jawa na, bahkan leupah le, lam basa Banjar Kalimantan na, dum lam basa gayo na. Trôk basa Aceh ka tan.

Lheuh na nasaja berita. Ka na ju web laén nyang ikôt. Keu gaya bahasa, Nasaja Berita teutap lagè nyoe, meuikôt kiban hawa dan budaya ureung Aceh bak geumeurawi. Ukuran lagè geumeucalitra bak meja kupi. Nasaja kiraju.

Share this post