That Geupap! Bhan Moto Keupala Dinaih Man 4 Boh Jibaplueng Lé Pancuri
Nasaja Berita – Aceh Barat, That meu'oh di pancuri kiraju, han ék jicok resiko cue moto takôt mangat jilacak lé peulisi. Kakeuh ji cue bhan tok. Hana tanggông sagai. Ban 4 boh bhan, wie uneun keue likôt kiraju. Meunyo bhan mudah peulèwat, ba bak awak teumempè pih lagôt kadang. Kadang.
Nyan keujadian di Suak Raya, Kecamatan Djohan Pahlawan, Meulaboh, Aceh Barat.
Alah pih bhan moto dinaih nyang jicue, meuhan kön ka weuh teuh. Teuman nyoe seubab moto neugara adak weuh, han rôh keu weuh, malah rôh keu kucu neukiraju.
Moto nyan nakeuh moto nyang geu ék lé Pak Keupala Dinaih PUPR (Pekerjaan Umum dan Penata Ruang) Aceh Barat, Bukhari. Keujadian teungöh malam. Neukiraju baroe beungöh Seulanyan (26/8/2019) ka rap hana ngön jak u kantô di pak Kadieh. That geup'uep daih kiraju.
Moto geuparkir di leun rumoh, lam garasi dan kalheuh geulapor bak peulisi meunurôt geupeugah bah wartawan.
"Kasus nyoe kalheuh ta lapor bak peulisi dan taharap peulisi beubagah ék geudrop pancuri nyan." Kheun Pak Bukhari.
Teuman seubab moto dinaih, hana trép buet. Langsông ju meugantoe bhan baro. Meuhan ka han leupah jak dinaih pak Kadieh. That na teuh kiraju.
Moto pih gab that, double kabin. Nyan moto nyan meunyo masa ban lheuh tsunami ngön damè MoU Helsinki jameun, sit jithè moto hayeu. Awak bulèk ék masa nyan. Ureung tabyoe keu supér, jipeugah lé awak nyoe mangat that ba. Apa meutom meu ék tan moto nyan. Baroekön meunyo kön BE kakeuh labi-labi.
Seugolom jih, di Bireuen na sit keujadian meunan lam padum uroe seugolom uroe raya haji baroesa teupat jih tanggai 6/8. Ata Keupala Sikula MTsN Peudada atawa Keupala MTsN 4 Bireuen. Nyan sit dongkrak-dongkrak mantöng tinggai di yup moto.
Seudangkan awai bacut teuk bak nyan tanggai 3/8 di Gampông Panté Gajah, Peusangan, Bireuen. Bhan moto pick up jiangkôt lé pancuri. Bata tinggai keugeulantoe bhan. Teuman kön hana cara jak.
Nasaja kiraju. Nyang di Bireuen ata pribadi. Nyan brat sayang teuh, di Meulaboh ata dinaih, sayang teuh sit, tapi brat sayang jéh lah.
Meunan Apa baca bak Serambinews ata jikirém lé awak nyoe.
0 Response to "That Geupap! Bhan Moto Keupala Dinaih Man 4 Boh Jibaplueng Lé Pancuri"
Post a Comment