Teukaét Surat Edaran Walikota Lhôkseumawe, Nasaja Berita Siap Pasok Berita
Nasaja Berita – Lhokseumawe, Baroe viral that berita nyang bahwa Walikota Lhokseumawe, Suaidi Yahya geupeuteubiet saboh surat edaran keu warga nyang na di Kota Lhokseumawe di pat beurangkapat dan soe beurangkasoe mandum untuk marit atawa peugah haba lam basa Aceh.
Geupeugah lé Pak Wali, mandum. Kön cuma warga lam gampông, tapi untuk awak keurija lam kantô, bahkan ureung luwa Aceh seukalipun wajéb meututô basa Aceh tiep uroe Jeumeu'at. Meunyo peurlè geuusahakan penterjemah.
Memang kön wayang atawa haba meuayang, nyan di Lhokseumawe, teurutama that aneuk muda, sit malè ji meututô lam basa Aceh. Ukuran nah, meu èk leumoe hanjeut jikheun lé. È lemo jikheun. Lhokseumawe han jitu'oh baca, jibaca Losemawe, nyan meukeulido alah ma ei teuh.
Jadi teukaét nyan, soe mantöng nyang baca berita nyoe, neupeutrôk bak Pak Wali nyang bahwa Apa Raban deungön Nasaja Berita, siap untuk pasok koran lam basa Aceh pukeuh bentuk jih tabloid Jum'atan pih jeut. Anggaran prin, nyan pulang keu poe kota dan kebijakan.
Seubab lawét nyoe nyang ka teubukti konsisten teumuléh lam basa Aceh. Sit Apa Raban nyoe sidroe teuk sagai. Laén na sit, tapi meunan-meunan. Nasaja kiraju bak peuiklan droe. Hai daripada neujak cok awak laén, suah neutrening ilè. Nyoe nyang ka teubukti ju nah.
0 Response to "Teukaét Surat Edaran Walikota Lhôkseumawe, Nasaja Berita Siap Pasok Berita"
Post a Comment