Maktabah Dayah Aceh, Toko Kitab Paléng Lengkap dan Bèrèh

Nasaja Berita – Bireuen, Nyoe berita leupah brat that-that peunténg beu jiteupu lé ureung ramè, terutama keu awak ureung beut atawa keu ureung chiek aneuk miet nyang jak beut, atawa sit keu syedara dan ureung gampông nyang na syedara nyang jak beut. Nyang inti keuneuk peugah nyoe info nyoe keubiet 'oe keubiet peunténg.

Aneuk beut teuntè peurlè that keu kitab, meuhan pat sit ji beut, pu jisimak, paleut? Kön han mungkén sagai nyan.

Makajih peurlè beuneutupat pat keudè atawa toko kitab nyang lengkap ngön yum jih jithè leubéh murah daripada tajak bloe u Medan atawa u Jawa.

Kitab ngön buku terjemahan kitab kunèng

Toko Kitab MDA atawa Maktabah Dayah Aceh nyan geupimpin lé Teungku Rahmadanil alumni seukaliguih gurè di Dayah Madinatuddiniyah Blang Blahdeh. Dayah Abu Tumin.

Keudè atawa Toko MDA nyan ka teudöng di Bireuen, toe deungön Meunasah Kota ka sithôn leubèh sinan. Mulai grosir sampoe eceran geupubloe neukiraju. Kön cilèt-cilèt.

Rak Kitab ka sikhan Keudè, di ateuh na lom

Meunurôt calitra nyang Apa teupu, Teungku Rahmadanil nyan awai phôn geumulai biseunieh lam thôn 2014. Nyan modal bèk neutanyöng, 2 juta sagai. Buet geumeukat buku ngön kitab. Rap tiep uroe tuhan geuputa mansaboh kabupaten Bireuen bahkan u Aceh Utara, geujak peutaba buku ngön kitab keu ureung. Lheuh nyan geupeuduek bak keudè gob. Dua uroe sigö ka lé geujak kalön ka lagôt pu gohlom. Brat buet perjuangan biseunieh. Sang Apa han jitheun até lom meunyo trôh bak ayat nyan.

Jinoe ka teudöng toko saboh. Bah pih toko ta kalön saboh muka, keu barang lengkap sekali neukiraju.

Kondisi Gudang, Punôh barang

Seubab na gudang nyang leupah raya untuk seutok barang. Nyan dumnan luah gudang keu kitab, punoh gudang nyan. Nyan ban cara meukat gobnyan.

Meunan sit awak keurija, ta eu bak keudè sang kön 2 droe sagai awak nyang geupeukeurija. Padahai nah, nyang urusan bak percetakan kitab na awak droe. Seubab Maktabah Dayah Aceh nyoe untuk kitab cetak keudroe langsong ngön poe percetakan di Jawa. Mandum geupeusiap keudroe. Makajih toké di Jawa ngön toké Medan keuriténg ôek bak jipiké keu Maktabah Dayah Aceh, jeut jimeukat leubèh murah daripada awak nyan di Jawa ngön di Medan.

Awak keurija bak percetakan

Nyang hayeu jih lom, lam toko Maktabah Dayah Aceh nyan na geumeukat bajè busana muslim lom. Hinan han ék ta piké biet. Peci pih na, sampé bak aneuk musabah macam model na. Nyan meunyo ta jak keunan, geubrie baca kitab nyang na hinan pré, hana payah sewa atawa bayeu. Teuman meunyo ka meulingkeu pintô keudè, langsông geu geureuhèm sang syök teuh.

Jadi na Apa tanyöng bak Teungku nyan bak pesbuk geuh (Makatabah Dayah Aceh), nyan droeneuh Teungku ka neumeukat, pu na le lagôt? Na neubrie diskon keu aneuk dayah dum? Atawa na neulakè idin bak gurè ka neujak meukat kitab. Seubab droeneuh geupeubeut jameun mangat jeut seumeubeut kitab, kön meukat kitab.

Geujaweub, nyan mandum kalheuh geulewati, idin punoh geuteume bak Abu Tu ngön bak Tu Amad, aneuk dari Aneuk Abu Tu. Meunan sit keu diskon, na. Timang geujaweub. Lheuh murah na diskon lom. Seumeubeut teutap, meukat kitab pih jalan. Nyang meukat pih alumni dayah dum nyang ka lheuh jibeut bahkan ka jiseumeubeut.

Tgk. Rahmadanil (Dirut MDA)

Jadi nyang keuneuk peugah bak ureung droeneuh nyang baca Nasaja Berita, ka teuntè ilè ureung Aceh, dan ureung Aceh mesti beuteuntè ureung na jak beut. Ka hana manyang meumada masailai soal jika ditanya orang kita (lagè Apa) ka pasti nyan. Meunyo hana sit, beurati kakeuh hana ta tu'oh peugah kiban hie. Seubab ureung Aceh na beut, maka neu bantu ureung jak beut. Peukara palèng ubeut neu bantu. Neupeugah bak toko MDA (Maktabah Dayah Aceh) dum dan leupah murah-murah geupubloe kitab.

Share this post