Lantik Sekda, Plt Gubernur: Buet Brat, Tapi Yakin Teuh Pak Taqwallah Mampu
Nasaja Berita – Banda Aceh, Lam uroe Hamèh tanggai 1/8 baroe, propinsi Aceh ka na Sekda barô. Na neuteupu Sekda nyan? Sekretarieh Daerah. Meunyo pu bue di Sekda nyan hana Apa teupu sit, nyang pasti meunyo lam poemerintah lheuh Gubernur, langsông Sekda nyang paléng peunténg. Keu waki, peunténg siangen. Nyan meunyo bandéng ngön Sekda. Bék bandéng ngön Satpam, nyan laén lom keunira. Meunyo kön meunan, kakeuh salah Apa.
Nyang peurlé beuneuteupu, ka leubèh 6 buleun ka lé pak Novya Iriansyah seulaku Plt. Gubernur geuusulkan nan keudéh u Jakarta untuk na soe duek bak jabatan Sekda. Nyang keuh barô lam padum uroe nyoe barô jitekèn lé Presiden Indoneh, Joko Widodo deungön surat keputusan nomor 90/TPA tahun 2019. Nyang duek keu Sekda jinoe pak Taqwallah, geuganto daripada Pak Darmawan, Sekda awai.
Meunyo ta eu dari nan, taqwa, teuntè sumatéh dan bertakwa. Meusiangèn han tagu teuh.
Lam acara pelantikan baroe na sit leumah Oak Aminullah Usman seulaku Walikota Banda Aceh dan Mawardi Ali, Bupati Aceh Rayek. Bupati Singkel ngön Aceh Tamiang hana leumah. Jioh that bak geujak u Banda Aceh, abéh watè, abéh biaya nyang na meunyo geujak keunoe u Banda. Nyan haba Apa keu cagok sagai, bèk beungèh Bupati Singkel ngön Tamiang eunteuk, na pu teuh lom.
Pak Plt geupeugah bahwasajih yakin geuh poemerintah Aceh nyoe ukeue akan meutamah göt. Pu lom deungön geukalön kiban kiprah pak Taqwallah nyang ka-ka.
Teuman geusampaikan bacut teuk nyang bahwa Sekda beuaktif untuk peubèrèh masalah KUA-PPAS 2020 ngön DPRA. Koordinasi ngön Banggar Dewan beuleubèh bèrèh lom. Pu lom Sekda seukaliguih meuduek keu ketua Tim Anggaran Pemerintah Aceh (TAPA). Kheun Pak Nova Iriansyah.
Brat buet rupajih ta duek bak Sekda, gohlom ta jap punggông ta duek, ka geupeugah buet ngön tanggông jaweub ubé-bé meulasah suah ta gulam sidroe teuh.
Meunan Apa baca bak AJNN nyang geutuléh lé bang Rahmat Fajri.
0 Response to "Lantik Sekda, Plt Gubernur: Buet Brat, Tapi Yakin Teuh Pak Taqwallah Mampu"
Post a Comment