Lagèè Bunda Neno, Warga Blang Lancang Demo di Keu PT. Arun, Baca Puisi

Nasaja Berita – Lhokseumawe, Bunoe beungöh mulai poh seuteungöh 10 Seulanyan (26/) na padum-padum droe massa dari Ikatan Keluarga Blang Lancang (IKBAL) geujak demo di keue ointô geurbang PT Arun LNG Lhokseumawe.

Na jikawai lé peulisi dari Polres Kota Lhokseumawe deungön tujuan mangat bèk karu atawa bèk sampe jeut keu karu. Ramè peulisi, alèh padum plôh droe.

Massa hana le that, meu seureutôh leubèh lah, ramè ibu-ibu lagè bak poto. Meunyo bapak-bapak hana keumah bak poto jadi hana Apa tu'oh peugah na atawa hana. Pu lom meunyo Apa peugah padum droe, sit meuleumah tan bak poto kiban cara ta peugah padum droe. That na teuh kiraju.

Hayeu jih massa kalinyoe geuba bendera mirah putéh, dan geusôk bajè putéh, geuba kartôn pih wareuna putéh. Alah pih tulisan bak karton kön wareuna putéh, meuhan ka hana leumah tulésan. Nasaja kiraju bak ta teumuléh, ke calitra ngön berita.

Nyang brat lom bereh, demo kalinyoe geubaca puisi. Lagè bunda Neno Warisman watè acara di Jakarta baroesa, puisi geubaca. Teuman nyoe hana geu peugah bahwa hana lé soe seumah Tuhan meunyo tuntutan han jikabulkan. That paloe kiraju.

Massa geulakè hak konsesi ateug tanöh ureung nyan. Aléh ou atra konsesi nyan pih hana ta teupu. Meu tom ta deungön tan istilah nyan.

Lam demo nyan ureung nyoe geutulak PT BAS dan Pertamina Hulu Energi (PHE) dan geuanggap perusahaan nyan ka jijak peulaky urenung gampông hinan ka lagè sapi peras. Meunan meunyo istilah lam bahasa Indoneh. Teuman meunyo lam basa Aceh pu cocok takheun? Ka hèk Apa pikè pu istilah nyang pah, hana pah-pah lom.

Inti demo nyan geulakè tanöh ureung gampông nyan beujipeubebas lé awak PT nyan.

Meunan geutuléh lé Kak Sarina bak AJNN bunoe. Meunyo keu asoe tuntutan sinoe neu cukèh neu kalön keudroe, ata Kak Sarina liput, seulaku nyang na di lapangan. TUNTUTAN DEMO. Apa teungöh mumang that ulèè jadi meumada nyoe sabôh keu berita uroe nyoe beh. Eunteuk malam ta eu keulayi.

Share this post