Karap Hana Jadèh Kureubeun, Keubeu Meungamok, Ureung Sie Jipeupök
Nasaja Berita – Meulaboh, Musibah bak uroe raya haji teungöh keuneuk meuibadah sie keubeu keu kureubeun, ureung mat taloe jipeupök lé keubeu kiraju.
Bang Irfan (45 thôn) warga gampông Kalak, Kecamatan Johan Pahlawan, Meulaboh ji peupök lé keubeu watèe teungöh geucaruh keubeu untuk keuneuk sie kureubeun. Ukuran suah puplueng gobnyan keudéh u rumoh sakét Cut Nyak Dhien.
Kön sigö keunöng, meupadum gö kiraju. Lheuh ji pök ji jungkat lom. Alah ma beh teuh. Na video nyang jibagi lé awak nyoe dum. Teuman hana Apa tupat lé, kakeuh hana Apa pasoe video lam berita.
Tata Irfan seulaku panitia kureubeun gampông nyan geupeugah, pah keuneuk caruh keubeu nyan untuk keuneuk sie, thè-thè ngamok keubeu nyan, meu jihambo teuk pu nyang na. Urueng ilè nyang ka phôn leumah bak mata jih.
Ukuran nah peurséh lagè ta nonton bak tiphi awak spanyol peumeu'en banteng lam lapangan ngön ija mirah. Nyan dum kleut keubeu neukiraju.
"Nyang mat taloe na dua droe, teuman nyang jipeupök atawa jiseruduk, sidroe. Alèh pakön meungamok di keubeu meutuwah nyan." Kheun Tata Irfan.
Korban nyan keunöng pök bak keubeu nyan luka-luka, brat. Makajih suah langsông puplueng ju jeudéh u rumoh sakét.
Meunan Apa baca bunoe bak AJNN ata geutuléh lé Bang Darmansyah Muda seulaku jurnalieh sidéh.
Meunyo keu calitra keubeu nyan kiban ka, hana info bak Apa lom. Bak sang ka almarhum sit keubeu meutuwah nyan. Meunyo bak Serambi Indonesia jipeugah keubeu nyan ka jotimbak lé pak peulisi.
Nasaja kirjau. Nyan panitia dan ureung laén nyang na niet keuneuk kureubeun, peuleuheun that. Beuhati-hati. Na uroe tasyrék meu dua uroe teuk untuk sie kureubeun.
0 Response to "Karap Hana Jadèh Kureubeun, Keubeu Meungamok, Ureung Sie Jipeupök"
Post a Comment