Kapolresta Banda Aceh Geubantah Na Peulisi Nyang Poh Azhari Cage
Nasaja Berita – Banda Aceh, Kapolresta Banda Aceh, Kombes Pol Trisno Riyanto geubantah haba nyang bahwa Anggota DPRA Azhari Cage jipoh lé peulisi. Meunan geupeuteugaih lé pak Kapolres bak media Popularitas.com bak uroe Hamèh tanggai 15 Agustus 2019.
"Lon peuteugaih, hana pemukulan atawa keroyok nyang keunöng Azhari Cage." Kheun Kapolresta nyan.
Geupeugah lé gobnyan, watè keujadian aksi mengenai bendera Bintang Buleun di keu leun kantô DPRA nyan, mahasiwa teungöh aksi unjuk rasa, jipaksa peu ék bendera Bintang Buleun nyan di leun likôt kantô dewan nyan, dan upaya mahasiswa nyan jiteugah lé anggota peulisi.
Nah, lheuh seumaya Asa, mahasiwa nyan jikeuneuk peutrön bendera mirah putéh nyang na dikeu kantô DPRA, dan jikeuneuk gantoe deungön bendera Bintang Buleun bak tiang nyan.
Teuman, sambông Kapolresta, rencana mahasiswa nyan jitham lé anggota peulisi nyang teungöh tugaih disinan. Dan hinan keuh kebetulan, na Azhari Cage lam kawan, kakeuh meutulak-tulak ju, lanjôt Pak Kapolresta nyan.
"Jadi hana poh seumeupoh, nyang na tulak meutulak sagai. Dan Pak Azhari Cage rôh lam kawan." Meunan haba geupeujeulaih lé apak Riyanto.
Jadi sigö teuk peurlè meupeutugaih nyang bahwa hana jipoh, meunyo pih na, meusinggông badan, bak meutulak-tulak nyan, antara anggota peulisi deungön Azhari Cage saat jipeuaman mahasiswa nyang keuneuk peutrön bendera Mirah Putéh. Dan nyan hal biasa, lumrah that lam kawan ramè.
Tapi bah poh meunan, meunyo bapak Azhari Cage meurasa na jipoh lé anggota peulisi dan sép bukti, Kapolresta geupeusilahkan nyang bersangkutan nyan untuk peuék laporan. "Meunyo memang beutôi jipoh, dan na bukti, silahkan lapor". Kheun Kapolresta, Trisno Riyanto.
Meunan Apa baca bak Popularitas ata geupeuék lé jurnalieh media nyan deungön kode SKY.
0 Response to "Kapolresta Banda Aceh Geubantah Na Peulisi Nyang Poh Azhari Cage"
Post a Comment