Ka Paih, Lheuh Talô, Abéh Minyeuk Honda Lom! Marquez Suah Jijak Tueng Lé Awak Bak Sirkuit
Nasaja Berita – Banda Aceh, Biet keuh talo si Mak Makhes (Mark Marquez) baroesa wate jibalap lawan si Rhinz di Inggreh. Bak tikungan seuneulheuh jikoh can neukiraju. Leupah saket si Mak Makhes.
Teuman adak meunan-meunan untong sit bagi jih, seubab meuteume finieh bak urotan lumboi 2. Jatah sit lumboi 1, teuman nasib jih kalinyoe lumboi 2. Teuman kon jeut sit daripada tan lumboi.
Watee ka finieh Apa pike pakon si Makhes nyan hana leumah le bak jalan lagee si Rhinz ngon Vinales jiputa-puta bak jalan seubab seunang that, meuteume ek podium. Selebrasi kheun awak nyoe.
Rupajih abeh bensen honda si mak Makhes meutuah nyan. Syok teuh hana punoh jiboh minyeuk le awak keurija. Atawa han ek jiantri bak galon, seubab ramee nyang antri bensen, lawet masa Jokowi duek keu Presiden. Hana le subsidi meunyo kheun awak nyoe lam poemeintahan. Sang awak teknisi jiboh minyeu ata bak ureung meukat eceran. Nasaja kiraju
Seubab honda jih ubee ta teupu kon hemat. Hai honda, biasa jih sit irit. Ha dum jak woe Banda Aceh- Sigli, biasa saboh tangki ka meumada.
Nyan neukalon bak poto, suah jipeudieng le awak keurija hinan bak sirkuit nyan, marshal sircuit jikheun. kon gojek atawa RBT nyan. si Mak Makhes nyan jak intat untuk bak jih keuneuk ek jih keudeh u ateuh podium cok juara 2. Han mungken jiyu jak ngon tapak, seubab jih pembalap hayeu. Juara donya. Pu tanyoe nyo, meunyo abeh minyeuk suah telepon ngon ta yu jak tueng, nyan pih meunyo item. Meunyo han ka suah ta hu keudroe teuh sampoe meureumpok ureung meukat minyeuk eceran bak bineh jalan.
Meunan meutuleh bak Beritakini Apa baca baroe mugreb. Baroesa nyan hana roh meutuleh keu bhaih balap. Laloe meujak puta-puta kota Banda Aceh, jak peulaloe Da Mulah.
0 Response to "Ka Paih, Lheuh Talô, Abéh Minyeuk Honda Lom! Marquez Suah Jijak Tueng Lé Awak Bak Sirkuit"
Post a Comment