Ka 14 Thôn MoU, Jalan Gampông Alue Thô Kajeut Meukubang Keubeu
Nasaja Berita – Aceh Jaya, Warga gampông Alue Thô, Kecamatan Krueng Sabé, Aceh Jaya kalinyoe han ék geupiké keu jalan di gampông kiraju.
Lam uroe raya kalinyoe jalan gampông Alue Thô jeut meukubang keubeu. Bah pih nan gampông Aleu Thô, nyang jalan meukubang. Alue sagai nyang thô, nyang jalan kön hana.
"Igob uroe raya mangat dan seunang ijak bak jalan, di kamoe hinoe meunan ta teubiet bak jalan susah teuh." Kheun Wakil Ketua Pemuda gampông nyan, Zalmiadi uroe Seulanyan tanggai (12/8).
Kiban han roh, jalan lheuh ancô, phak luyak meukubang keubeu lom meunyo musém ujeun. Ka 17 thôn umue jalan mantöng lagè söt.
"Masa rôh mantöng lam Kabupaten Acrh Barat, goh na Aceh Jaya, jalan nyan kalheuh tom jiguréng aspal gampông. Tapi cuma ithrun meupadum bukeun sagai. Meunyo jinoe neukalön keudroe neuh ju kiban ka hie jalan". Kheun Zalmi nyan.
Adak meudéh ka 14 thôn ka MoU Helsynki kön beu na lam perubahan meubacut bak jalan Alue Thô ngön jalan gampông Curék. Pu lom gampông nyoe mantöng lam saboh kecamatan ngön ibukota kecamatan. Nyoe meuhie tan. Peurséh lagè lam klek-klok.
"Nyoe hana ta peusalah poe pulan atawa poe pulén. Teuman dk kamoe kön na hak sit jak tuntut keuadilan seubago ureung Aceh Jaya mangat jipeugöt jalan lam gampông kamoe." Sambông gobnyan.
Meunyo info nyang na, kheuh ijak konfirasi awak AJNN bak dinaih PUPR Aceh Jaya, data nyang geuprugah nyang bahwa jalan Laya Seumantôk-Alue Thô nyang goh teuaspal lom leubèh kureung na meu 2 kilo teuk sagai.
Lam thôn 2019 nyoe Pemkab Aceh Jaya kalheuh peu ék anggaran untik lanjôt proyèk peubèrèh jalan wilaah nyan (Paya Seumantôk-Ceurék -Alue Thô) deungön pagu anggaran 900 juta rupiah leubèh siangèn, sunber pèng anggaran nyan bak APBK Aceh Jaya.
Meunan Apa baca bak AJNN bunoe lheuh Leuh Leuhô uroe nyang geutuléh lé bang Suar bunoe. .
0 Response to "Ka 14 Thôn MoU, Jalan Gampông Alue Thô Kajeut Meukubang Keubeu"
Post a Comment