Jilakè Tèk-Tèk Wartawan, Wak Leng Tamiang Ka Jilapor Bak Peulisi
Nasaja Berita – Aceh Tamiang, Han meutém keunöng ancam bak salah sidroe tim sukses Bupati Aceh Tamiang, Muhammad Hanafiah seulaku wartawa harian Waspada jak bak kantô peulisi untuk peu ék laporan.
Muhammad Hanafiah geupeungön lé rakan wartawan laén untuk jak lapor Zulham alias Wak Leng (salah sidroe tim sukses Bupati Aceh Tamiang) seubab jiancam untuk jipoh maté..
"Laporan ka geuteurimöng deungön bukti nomor: LP.B/49/VIII/Res.1.24/2019/SPKT," kheun Muhammad Hanafiah.
Ancaman ateuh Muhammad Hanafiah nyang jianvam lé Wak Leng nyang keujadian jih nibak malam Lasa (Seulanyan 12/8) seukitaran poh 8 malam di keu awak meukat ponsel ngön pulsa watè Hanafiah teungöh pasoe pulsa hinan.
"Zulham jiancam keuneuk poh maté lon deungön cara jicang-cang dan jitèk-tèk lon udép-udép". Kheun Muhammad Hanafiah nyang seuréng geumeuhei deungön seubutan Agam.
Seulaén ancaman keu Agam, rakan laén pih na jiancam sit, Zulfadli alias Iyong nyang saban-saban wartawan.
"Kön lon tok nyang jiancam, rakan lon, Zulfadli alias Iyong, wartawan bak Lintas Atjeh pih jiancam poh maté sit." Calitra Agam
Nyang bèrèh jih watè keujadian di keue keudè Wije Ponsel, Zulham jiyu lapor bak Kapolsek dan Kapolres, untuk peugah jih hana yöe jih.
"Ipeugah, ka yu jak ju pak Kapolsek ngön Kapolres keunoe kapeugah kuneuk tèk-tèk bang Agam ngön bang Iyong." Nyan ban bak geu ru-ru haba si Wak Leng nyan
Meunurôt Agam, seulalén Tim Sukses Bupati dan Wakil Bupati Mursil - T. Insyafuddin, saat nyoe, Zulham nyan pih salah sidroe anggota oengurus Majelis Pendidikan Daerah (MPD) Kabupaten nyan.
Alasan jih jak ancam kamoe seubab han jiteurimöng kamoe meukritik kebijakan poemerintah ngön MPD." Nyan ban calitra bang Agam nyan.
Meunan Apa baca bak AJNN bunoe woe seumayang Jeumeu'at, padahai ka dari tanggai 13 ka geutuléh lé bang Asrol seulaku jurnalieh sinan. Nasaja kiraju.
That yöe teuh jilakè tèk-tèk, cang-cang lom. Nyan bèk neuancam-ancam wartawan dan jurnalieh tunggai Nasaja Berita beh. Sit tok Apa Raban sidroe jurnalieh nyang paléng bèrèh lam donya nyoe. Meunyo biet neu ancam Apa, Apa peugah bak Da Mulah, bah geuprueh do'a jameun masa lam uteun, cikoek neuh han ék meutanggông jaweub kiraju.
0 Response to "Jilakè Tèk-Tèk Wartawan, Wak Leng Tamiang Ka Jilapor Bak Peulisi"
Post a Comment