Bèrèh! Masyarakat Aceh di Solo Peuduek Acara Khanduri Ngön Silaturrahmi
Nasaja Berita– Surakarta, Himpunan Masyarakat Aceh Surakarta (HIMAS) di Solo Raya, Aleuhad (18/08/2019) geupeuduek saboh acara silaturrahmi ngön khanduri Halal bi halal bak Kediaman Rumah dr. Yulidar Hafidz nyang merupakan salah sidroe Tokoh Masyarakat Aceh sidéh di Surakarta.
Yulidar Hafidz seulaku poe rumoh lam rilieh gobnyan geupeugah nyang bahwa keugiatan nyan untuk peuköng keulayi silaturrahmi dan meusaboh keularga ngön ta meusyedara seusama masyarakat Aceh nyang lam lam rantoe, teurutama di Surakarta.
"Keugiatan acara kamoe seugolom jih na lagè peugöt acara buka puasa bersama seukaliguih seumayang teurawèh meujama'ah, meunyo lam buleun puasa. Meunyo di lua buleun puasa na sit lagè ta peurayek uroe Israk Mi'raj atawa khanduri Mulod Nabi. Ta harap u keu beu leubèh seuréng dan le lom acara nyang laén." Khuen gobnyan.
Himpunan Masyarakat Aceh Surakarta (HIMAS) sabé geuupaya untuk peuköng komunikasi dan meuduek pakat meusilaturrahmi ngön ubé na ureung Aceh atawa mahasiswa nyang jak sikula sidéh di Solo Raya.
"Tanyoe hawa teuh beu ék ta rangkul ubé na keturunan masyarakat Aceh nyang na di Solo Raya, Surakarta." Kheun keutua HIMAS H. Iskandar lam kata sambutan bak acara nyan.
Lam keusempatan nyan beliau nyan geuharap beu na rasa kepedulian mandum pihak untuk beu na seumiké dan meupeujuang mangat u keu teuma di HIMAS beu na saboh asrama atawa meunasah nyang jeut keu teumoat meukumpôi masyarakat Aceh, dan beujeut keu saboh pusat keugiatan media informasi dan komunikasi bagi masyarakat Aceh nyang na di Surakarta.
Keugiatan nyan na sit geuisi deungön tausiah ngön ceuramah agama nyang geupeusampoe lé Tgk Azzam. Tgk Azzam nyan ureung Aceh sit.
Abéh acara, lagè biasa teutap na khanduri. Dan ka teuntè meunyo keu meunu ka pasti khas tanyoe Aceh. Lagè gulee pliek, asam keueung dan sie reubôh. [Meunan Rilieh ata geukirém lé bang Adi Fa]
Nyan krak bèrèh kiraju, trôh u jawa hana jak pajôh sayur lodéh tapi teutap gulè pliek, asam keueung ngön sie reubôh. Hana pat cok pat laén sit di Aceh nyang na neukiraju.
0 Response to "Bèrèh! Masyarakat Aceh di Solo Peuduek Acara Khanduri Ngön Silaturrahmi"
Post a Comment