Bèk Yö Jiék Darah atawa Kolestrol Pajôh Sie Kurbeun, Tamah 4 Macam Nyoe, Jeut Keu Ubat
Nasaja Berita – Banda Aceh, Nyoe seulama uroe raya terutama jih uroe raya haji sit le ju ureung pajôh sie kamèng, sie keubeu atawa sie leumoe. Meunyo uroe raya puasa, le sit seubab bak tanyoe na uroe makmeugang.
Meunyo yö neuh keu jiék kolestrol atawa darah tinggi atawa peunyakét laén sampé han neuteujeut pajôh sie kureubeun nyan beurarti droeneuh hana apeudet info. Makajih neubaca tulésan bak Nasaja Berita beuseuréng.
Nyang keuphôn ilè. Sie kureubeun nyan beureukat rayek that. Teuman meunyo ka beureukat panè na peunyakét ilè. Adak pih kadang ka awai na panyakét saja neuh, nyan hana meudalèh keu kureubeun. Tapi tenang. Beutenang. Nyoe na peut (4) jeunèh makanan untuk peuseutabil keulayi kolestrol dan darah droeneuh.
Nyang keuphôn. Lheuh pajôh sie leumoe, keubeu atawa kamèng, bèk tuwö neujèp jus pukat. Han ék neu jus, neu pajoh meunan .Meuhan neu thok. Bèk le that neuboh saka. Pu lom susu. Meuhan gadöh kasiet. Kheun ureung tuha.
Nyang keudua. Camplie beu le neu mamöh. Cara mamöh bèk lagè ureung mamöh ranup sit. Peuja babah neuh, na can jiteubiet 'iek lam siluweu. Eunteuk ka meudalèh keu Apa. Seubab lam aneuk dan asoe camplir nyang wareuna putéh nyan na serat ubat nyang jeut peunetral kolestrol. Makajih beu keueung siangèn ju neu yu tagun sie bak Da di rumoh.
Nyang keulhè .Boh naga. Nyan boh naga mudah ta mita di pasai lawét nyoe. Bèk na rencana jak drop naga keudroe lheuh nyan neuyu tôh boh dan neupeukarom. Ji 'uet neuh lé naga sigö gabuek teuh. Bah pih mrutom takalön tan naga nyan jiban hie. Meunyo boh jih seuréng ta eu.
Keu peut, Yoghurt. Nyan hana barang bak tanyoe. Meuhie susu basi, tapi kalheuh di olah sana sini. Awak Arab le yogurt. Di Aceh meunyo na bak supermarket atawa bak indomaret, teuman nyoe ka indoagustus alèh ék na pih hom.
Meunan Apa baca bak Beritakini urueng nyan ata geucok bak Tempo.co nyang meusumber bak Science Daily ngön Medical News Today. Nyan keuh nyan nyang peurlè Apa peugah. Da Mulah sabé na geu peusiap boh pukat kiraju asai ka uroe raya. Meukilo boh pukat geubloe. Nyan bèk neubalék basa. Brôk that jiduek makna eunteuk. Nasaja kiraju.
0 Response to "Bèk Yö Jiék Darah atawa Kolestrol Pajôh Sie Kurbeun, Tamah 4 Macam Nyoe, Jeut Keu Ubat"
Post a Comment