Asoe Syiruga! Santri Ummul Ayman Neuwoe Bak Poe, Lheuh Baca Dalail Khairat
Nasaja Berita – Bireuen, Innalillah, aneuk santri bak Dayah Waled Nu, Ummul Ayman Samalanga, beuklam malam Jeumeu'at meuninggai tiba-tiba lheuh baca zikir kitab Dalail Khairat.
Sinyak nyan mantöng glah 1, barô thôn phôn jijak beut di Samalanga bak Dayah Waled. Teungku Muhammad Haikal, santri glah 1.5 deungön umu barô 12 thôn, warga dari gampông Rawa, Pidie.
Meunurôt keterangan dari ureung nyoe di dayah, Teungku Haikal dari Mugréb lagè biasa nibak uroe-uroe laén. Hana nyang meulaén.
Seubab malam Jeumeu'at di dayah na beut yasin atawa Kahfi lagè biasa. Bak watè seumayang Isya pih mantöng lam jama'ah sajan aneuk miet laèn.
Lheuh seumayang Isya berjama'ah aneuk beut dari kabilah na baca kitab Dalail Khairat, nyang asoe jih pujo, seulaweut dan do'a-do'a keu baginda Nabi Muhammad pang ulè alam.
Meunan abéh baca dalail, paih watè protokol acara muhadharah barô jibeudöh untuk sambông acaa keugiatan dayah, Teungku Muhammad Haikal meuteukui ulè ukeu bacut-bacut, sampoe rhet kitab dalail bak jaroe lam leumung. Dan langsông teu éh u geuniréng. Keujadian nyan nibak poh 10 malam lewat siangen.
Teungku-teungku di kabilah langsông geuangkè teungku Haikal u poskesren (pos kesehatan pesantren) untuk jeut geutangani dan geubaplueng u puskesmas Samalanga deungön seugera. Teuman meunan geuparéksa. Ka abèh umu sinan.
Teungku Muhammad Haikal nakeuh boh haté daripada Teungku M. Hasan dan Anisah. Jeunazah trôh geujak intat lé padum-padum droe dewan guru dan santri u rumoh duka di Gampông Rawa, Pidie, seukitaran poh 2. Bahkan pimpinan Ummul Ayman Putra, Ayah Nuqman (meulintè dari Waled Nu) ikôt lam rombongan jak intat jenazah.
Meunan informasi nyang geusampaikan lé Teungku Muhammad Yusuf Arèè seulaku Humas dari Dayah Ummul Ayman Samalanga.
InsyaAllah gata asoe syiruga Teungku Muhammad Haikal, ta woe bak Poe pah gata kam zikir dan seulaweut. Nibak watè mulia malam Jeumeu'at, lam masa buleun Dzulhijjah nyang that le berkah.
0 Response to "Asoe Syiruga! Santri Ummul Ayman Neuwoe Bak Poe, Lheuh Baca Dalail Khairat"
Post a Comment