Anggota DPRA Keunöng Keroyok Bak Peulisi Sajan Mahasiswa
Nasaja Berita – Banda Aceh, Anggota DPRA dari Fraksi Partai Aceh (PA), Azhari alias Cage, geuakui droegeuh keunöng tapék bak peulisi (jikeroyok) watè peuaman awak demo di kantô DPRA nyakni mahasiswa bunoe (15/8).
Cage watè jihubungi lé salah sidroe wartawan media onlen geuakui dan geucalitra kiban keujadian sampé keunöng tapék bak okeunum peulisi nyan
Kasus pemukulan nyan phôn jih jimulai watè trôk mahasiwa bak kantô jak tanyöng kejelasan dan nasib daripada Bendera Aceh, 15 Agustus 2019. Bunoe cöt uroe, paih watè peringatan 14 thôn MoU Helsinki.
Sebagoe anggota DPR Aceh, gobnyan geulakè lé pimpinan untuk meureumpök ngön mahasiswa nyang tengöh peugöt aksi nyan. Teuman lheuh meureumpök, mahasiswa hana puaih haté. Peurlè meureumpök ngön pimpinan ketua dewan langsông.
Lheuh nyan, Cage komunikasi lah ngön Pak Sulaiman seulaku pimpinan untuk peutrôh bhaih aspirasi adoe-adoe mahasiswa nyan. Akhé buet teubiet lah Pak Pimpinan ngön Cage meureumpök mahasiswa.
Teuman sampoe lheuh seumayang Asa, rupajih mahasiswa nyoe hana peububar droe lom. Mantöng jiduek bak leun (halaman) kanto. Hinan keuh punca karu. "Awak peulisi nyang peuaman aksi nyan ji peububar mahasiswa deungön cara jipaksa dan jipoh adoe-adoe mahasiswa." Kheun Cage
Meunan geukalön nyan, Cage ijak lam kawan mahasiswa ngön peulisi nyan untuk peubla supaya bèk lé seumeupoh, teuman malah gobnyan nyan keunöng tum bak peulisi. "Na 8 droe peulisi nyang poh lôn" Meunan geupeugah lé Azhari Cage.
Cage han meutém teurimöng lagè nyan, lheuh peugah bak pimpinan dewan ateuh keujadian keunöng poh nyan, Cage jak lapor bak Polda. Cage lakè pihak Polda beu jiusut dan cok tindakan teugaih ateuh anggota peulisi nyang rôh lam keujadian nyang keunöng gobnyan.
"Lon nyoe anggota dewan, teungöh tugaih teurimöng dan tampông aspirasi mahasiswa". Kheun Cage.
 |
| Bajèë Cage ka beukah geutiek kiraju |
Meunurôt Cage, buet peulisi nyan ka hana lé seusuai ngön SOP peulisi bak peuaman aksi massa.
"Lon jipoh di rumoh droe (kantô Dewan) lé peulisi-peulisi nyan" Kheun Cage.
Nyoe akan tapeupanyang buet. Kheun Anggota Dewan nyan. Jadi Cage meulakè peulisi terutama Kapolda Aceh beutanggông jaweub ateuh kasus nyoe, untuk peuteupat aneuk buah dum. Pu lom nyoe ateuh nan kelembagaan DPRA.
Meunan Apa baca bak Popularitas deungön kode SKY, hana Apa tusoe soe SKY nyan. Seubab kode nyan.
0 Response to "Anggota DPRA Keunöng Keroyok Bak Peulisi Sajan Mahasiswa"
Post a Comment