Abu Mudi: Lam Ibadah Ikôt Lagè Kheun Kitab, Kön Ikôt Protap
Nasaja Berita - Banda Aceh, Waled Hasanoel Basri HG atawa yang saban-saban ta turi deungön nan Abu Mudi bak beut tastafi diMesjid Raya Baiturrahman, Banda Aceh awai buleun 7 baroe, meucukèh bhaih ibadah haji.
Meunyo biasa jih lam Majelis Pengajian dan Zikir Tastafi (Tasawuf, Tauhid dan Fikih) beut kitab Sirussalikin, teuman seubab meuingat ka toe ureung keuneuk pubuet ibadah haji, maka geuceuköt lah kiban bhaih pubuet ibadah haji lagè nyang seuharoih jih meunurôt ban geupeureunoe lé para ulama nyang saleh-saleh lam kitab.
Abu geusinggông, lam buet ibadat, kön protap (program tetap) nyang jeut keu asas beutôi atawa salah buet tanyoe lam meuibadat. Awak kemenag na protap bak jiatô ureung jak u haji. Tapi Abu geupeuingat, bak tata cara pubuet ibadat, teutap ikôt lagè haba kitab.
Nyang phôn that nyang peurlè teupu lé ureung ibadah haji, nakeuh dari ék phôn peusawat ka haroih ta sôk bajè ihram. Seubab watè ka lam pesawat han meuteumè gantoe lé. Trôh seuteuntang Yalamlam (saboh daerah di Arab nyang jeut keu jarak syarat niet ihram), maka sinan sép deungön niet. Meuhan han sah niet meunyo goh ta sôk bajé ihram lom. Meunyo seumpat nyan hana ta pubuet. Maka meunan trön peusawat, suah teubiet ilè dari u lua bataih tanöh ihram, beuleungkap deungön bajè ihram, barô niet lam haté, niet ihram pubuet ibadah haji.
Nyang keudua, Abu neupeuingat, nyang bahwa Mina teutap hanjeut meugèsè dari nyang ka geupeuteutap lé nabi jameun. Nyakni antara dua boh bukét. Meunyo ka di lua nyan, adak jipeugah Mina that sit, nyan teutap kön mina. Maka ka hana sah mabit di Mina. Seubab ta mabitdi lua Mina. Nyang geuyu, di Mina.
Nyang keulhè, watè wukuf di Padang Arafah bèk na rencana jak jamak ngön qashar seumayang Leuhô deungön Asa. Seubab seugolom meujak u Arafah, ka ta meuneutap (kajeut keu mukim) seubab ka ta tinggai leubèh dari 4 uroe bak teumpat nyan. Seudang jarak Arafah deungön teumpat nyang ka ta duek seubagoe mukim, hana trôh jarak safar. Maka otomatih mantöng lam kawasan nyan, han sah lé ta jamak dan ta qashar seumayang.
"Maka adak ji yu lé peutugaih ,bèk neuikôt. Awak nyan ji yu lagè protap. Tanyoe ibadat ikôt asoe kitab. Bèk neubalék." Kheun Abu malam nyan bak beut tastafi di seumijid raya baiturrahman Banda Aceh.
Nyang seuneulheuh bhaih jak rhom jamarah. Awak Indoneh ramèe nyang jiyu jak ureung jak seumeurhom beungöh uroe. Deungön alasan mangat bèk ramè that ureung. Seubab meunyo lheuh Leuhô, meuribè bahkan meujuta droe ureung jak rhom jamarah meusigö-sigö. Abu geupeuingat, nyang nan jih rhom jumrah atawa jamarah nakeuh barô geuhitong watè ka ji ék mata uroe. Ka leuho.
Nyan ban kiraju. Nyan meunyo na nyang jak deungö malam nyan, dan apabila pih salah bak Apa rawi, neuteugor, neupeuingat keulayi. Bèk salah bak Apa rawi, eunteuk ka meudalèh keu Abu Mudi. Ka sibuleun ka, meucatat pih tan baroe nyan, meurekam pih han. Teuman lheuh seumayang Jeumeu'at satnyoe sit teuseuréh ju ingatan keunan. Mungkén Apa ka konek siangen ngön Abu
0 Response to "Abu Mudi: Lam Ibadah Ikôt Lagè Kheun Kitab, Kön Ikôt Protap"
Post a Comment