74 Thôn Indonesia Merdeka, 8 Droe Aneuk Yatim Tinggai Lam Gubôk Derita
Nasaja Berita – Aceh Timu, Alah ma beh teuh mantöng na aneuk yatim nyang tan soe hiröe di Aceh.
Di Aceh Timu, teupat jih di gampông Lhok Seuntang, Kecamatan Julok, mantöng na tinggai aneuk yatim nyang tan soe hiröe. Hana kureung, na 8 droe neukiraju. Tinggai bak gubuk, ukuran ta eu gubuk nyan teuingat teuh keu weu leumoe. Seugitu sahoe, nyan dum peudéh udép.
Bintéh meunan-meunan, bubông pu lom. Meunyo ujeun, meusigö buluet tanöh lam rumoh. Alah ma ei teuh. 14 thôn ka MoU Aceh-RI , 74 thôn ka neugara Indoneh merdeka.
Nyang tinggai lam gubuk nyan na keuh Amri (19 thôn), Munir Nurdin (18 thôn), Intan Mauliza (16 thôn), Muhammad Jafar (13 thôn), Indah safitri (12 thôn) Putri Hanisa Salsabila (8 thôn), dan Aulia Ramadhan (7 thôn).
Meunan lheuh meuninggai urueng chiek, nyakni ayah awak nyan, awak nyan man 8 tinggai bak gubôk toe rumoh Mi Nek (Raliyah, 65 thôn) ngön Abu Nek (Ibrahim 70 thôn).
Geupeugah lé Founder LPD Aceh, Musfendi, bak awai thôn 2019 baroe, mak awak nyoe meukawén laén. Dan geuikôt lakoe barô tinggai sidéh di Aceh Teungöh, dan nyang na geu ba sajan aneuk tulôt, Aulia Ramadhan nyang mantöng umue 7 thôn. Nyang laén mandum tinggai sinan, bak gubôk nyang geupeudöng lé Mak awak nyan.
"Teuman bah pih ka geutinggai sidéh di Aceh Tengah, karap tiep buleun na trôk geujak saweu awak nyoe di Aceh Timu." Kheun bang Mufendi nyoe.
Hayeu jih bah pih udép lam peudéh meunan, lam kawan awak nyan 8 nyan na nyang ka aphai 30 juz Quran. Dan ka dua gö ka geuba umrah lé salah sidroe pimpinan dayah. Meunan meunurôt calitra nyang geupeusampoe lé Abu Nek awak nyan.
"Seudangkan dua droe teuk ka suah woe u gampông dari dayah sejbab hana biaya untuk sambông beut lam dayah. Jadi awak nyie kakeuh di beut di gampông sambilan jibantu Abu Nek ngön Mi Nek untuk mita raseuki untuk pajôh uroe-uroe." Meunan calitra bang Mufendi.
Seudang Geuchiek gampông Lhok Seuntang, watè geuhubungi lé ureung nyoe, ka geupeunyata nyang bahwa beutôi lagè info nyang na nyan.
Teuma lé gampông, kalheuh meuduek pakat nyang bahwa alokasi dana desa uma untuk rehab rumoh, kön peugöt rumoh dari Nol. Teuman rumoh awak nyoe hana pat rehab, tapi memang suah peugöt dari phôn.
"Meunurôt keterangan geuchiek nyan, seulama nyoe aparat gampông na meulobi dan meumita bantuan untuk peumudah udép awak nyoe. Teuman sampe inoehat uroe hana keuh trôh bantuan." Kheun gobnyan.
Rencana jih untuk bantu aneuk-aneuk yatim nyoe untuk peutrôh cita-cita, maka geupakat ubéna ureung nyang tém derma meueudeukah harta dan doa mangat jeut ta bantu awak nyan.
"Kamoe meupakat ureung ntang tém meuderma atawa muzakki (nyang hak bayeu jakeut) untuk ta bantu awak nyoe. Seubab ke that mantöng ureung geutanyoe Aceh nyang peurlè ta bantu saban-saban." Sambông beliau nyan.
Meunan Apa baca bak AJNN nyang geutuléh lé kak Saeina bak uroe Sabtu, tanggai 17 Agustus baroe.
Bagi yang ingin berdonasi bersama LPD dapat mengirimkan Donasi Bank BNI Syariah 2404420172 atas nama Lembaga Peduli Dhuafa (ZAKAT) dan Bank Mandiri Syariah 7771551558 atas nama Lembaga Peduli Dhuafa (Infak).
Nyang alenia teurakhér seungaja hana Apa teurjeumah keu basa Aceh, mangat bèk salah lumbôi rekening atawa laén-laén.
0 Response to "74 Thôn Indonesia Merdeka, 8 Droe Aneuk Yatim Tinggai Lam Gubôk Derita"
Post a Comment