Sofyan Dawod Ngon Maksalmina Roh Lam Bakal Calon Ketua PDIP Aceh
Nasaja Berita - Banda Aceh, Partai Demokrasi Indonesia perjuanga (PDIP) Aceh jinoe teungoh jibuka penjaringan untuk pileh ketua dan pengurus baro periode ukeu nyo.
Meunurot info, na nan mantan juru bicara GAM awai Sofyan Ddawod ataw nyang seureng geutanyoe meuhei bang Yan. Dan Bang Mek atawa Maksalmina atawa Irwansyah, meunyo nan jinoe. Seubab masa jameun masa prang le that model nan awak GAM di Aceh, nan sandi dum jikheun.
Ramond Dony Adam seulaku staff bidang Media Sosial Sekretarieh Jendral (Sekjen) PDI P, Hasto Kristiyanto, jipeugah mandua nan nyan akan ji ba keudeh u DPP PDIP di Jakarta untuk ji selekse.
Ramond nyan meunurot jiakui keudroe, sit jitugaihkan le awak pusat sideh untuk jak mita nan calon pengurus periode ukeu, termasuk ketua PDIP Aceh dan PDIP kabupaten/kota eunteuk lom.
"Calon ketua dan pengurus partai nyang jirekrut eunteuk kon cuma dari kalangan dalam (internal) partai, tapi na sit ureung luwa (eksternal) partai. Mandukm jijareng (istilah untuk seleksi) sampe tanggai 4 Juli 2019 uroe nyo." Kheun Ramond baroe uroe Rabu (3/7)
Calon pengurus partai hana meuceh dari internal, hana jibatasi le awak PDIP. PDIP akan jirangkul mandum kalangan masyarakat, pukeuh santri, ulama atawa dari kalangan mantan kombatan GAM.
"Pembenahan struktur PDIP Aceh lheuh pilpres 2019 baroe peurle penyegaran, peurle seubaro keulayi, mangat PDIP nyo maju ukeu. Ka 3 go pemilu PDIP hana meuteume kureusi dewan di Aceh, padahai tingkat Nasional, PDIP nyo meuteume suara nyang paleng le, diantara nyang laen." Kheun si Ramond.
Seumentara Sekretarieh DPC PDIP Banda Aceh, Teuku Mahfud geusampaikan nyang bahwa dari internal na sit nan untuk ek calon ketua DPD PDIP Aceh peridoe ukeu. Na Karimun Usman, Gading Hamonangan Hasibuan, Lira Amalia, Sulaiman Badai dan Rifky Tajuddin.
"Kamoe mantong meupreh hasil konfercan, soe-soe nan calon ketua nyang akan meuusul dari internal partai, eunteuk ta peutroh bak konferda Aceh." Kheun Teuku ampon mahfud nyan.
Nan-nan nyang leumah lam konferda nyan eunteuk peu ek keudeh u Kofernas di Bali. Teuman kon konfernas nan jih tapi Kongres V PDIP, bak tanggai 8-10 Agustus. Acara jih di Bali. Sabe di Bali acara awak PDIP neukiraju.
"Calon akan jites di Medan eunteuk. Soe nyang jeut keu calon seucara resmi akan jipuputoh le DPP PDIP." Meunan kheun Teuku Mahfud nyan. Meunan Apa baca bak AJNN bunoe. Ka teulat siangen bak meupeu ek berita neukiraju.
0 Response to "Sofyan Dawod Ngon Maksalmina Roh Lam Bakal Calon Ketua PDIP Aceh"
Post a Comment