Polresta Banda Aceh Kageudrop Sidroe Anggota Nyang Peububar Konser Base Jam
Nasaja Berita – Banda Aceh, Kapolreta Banda Aceh ka geudrop MZ (30 thôn) nyang geuduga na rôh poh anggota peulisi watè karu peububar konser Base Jam bak acara Aceh Culinary Festival di Taman Ratu Safiatuddin, Banda Aceh, malam baroe (Aleuhad 7/7).
Geupeugah lé Kapolresta Banda Aceh, Kombes Trisno Riyanto, MZ geudrop dan ka geuteutapkan seubagoe tersangka seubab na bukti rôh poh peulisi deungön wastafel, watè anggota peulisi ji useuha peubla massa nyang ka karu.
"MZ rôh lam anggota salah saboh ormas watè hasé jiparéksa lé peulisi dan ka sép bukti rôh jipoh salah sidroe anggota peulisi. Nyan jikira penganiayaan." Kheun Kapolresta watè geukonfirmasi uroe Lasa (9/7).
Teukaét keujadian peububar nyan, peulisi kalheuh meuparéksa 2 droe saksi dan sidroe korban. Jinoe peulisi teungöh jikeumbangkan untuk paréksa pu keuh na rôh nyang laén lom lam peukara nyan.
"Jinoe siat meunan ilé tindakan, teuman teungöh ta paréksa sit, pu keuh na peukara laén, miseujih lagè kasus pengrusakan dan laén lom. Seubab na tim provokasi." Lanjôt Pak Trisno.
Meunyo bhaih peureulöh fasilitaih umum atawa pengrusakan, sampé saat nyoe goh na lom tersangka. Peulisi mantöng lam tahap pengembangan kasus. Pak Trisno geupeugah hireun geuh pakön na keujadian pembubaran nyan, padahai ka na idin bahkan ka na rekomen dari Walikota Banda Aceh ngön MPU.
"Padahai penonton inöeng ngön agam ka jipeupisah. Tapi pakön mantöng keujadian. Nyoe hana teupat (hana beutôi) meunurôt lôn. Beurangkapu jeut alasan jih, meunyo na tindak pidana, kamoe nyang tanggôngjaweub." Kheun Pak Trisno Riyanto.
Meunan Apa baca bak Kumparan meunyo poto ata Bang Zuhri, keunoe bak Nasaja Berita Apa teurjeumah lam basa Aceh.
Meunan Apa baca bak Kumparan meunyo poto ata Bang Zuhri, keunoe bak Nasaja Berita Apa teurjeumah lam basa Aceh.
0 Response to "Polresta Banda Aceh Kageudrop Sidroe Anggota Nyang Peububar Konser Base Jam"
Post a Comment