Inöng Peutamöng Asèë Lam Seumijid Bogor. Peulisi: Penistaan Agama, 5 Thôn Peunjara
Nasaja Berita – Bogor, Baroe uroe Sabtu (30/6) leupah meuganggu watè tabuka pesbuk neukiraju. Kiban han roh, na video nyang viral sidroe inöng di Sentul, Bogor Suzethe Margarer (52 thôn) geutamöng u seumijid Al Munawarah Sentul deungön sipatu dan asèë itam sajan.
Rata sagoe bhaih nyan neukiraju. Bahkan na nyang peugah ibuk nyan teungöh depresi atawa seutréh seubab jitinggai lé lakoe. Teuman pu keuh beutôi meunan atawa cuma haba mantöng, nyan hom. Hana surat pungo lom dari rumoh sakét jiwa.
Meunurôt peulisi Bogor nyakni Kapolres, ABP AM Dicky, jinoe statuoh si SM nyan ka terperiksa. Kasus nyan teungöh dikembangkan lé peulisi. Teukaét pu keuh beutôi indikasi jih sakèt jiwa, suah jak paréksa bak rumoh sakét jiwa ilè.
"Kamoe kalheuh meujak ba ji u rumoh sakét jiwa beuklam teungöh malam. Untuk jak pastikan jih sakét jiwa atawa hana. Bahkan ngön doto nyang tom meuurusan ngöh jih pih ta paréksa." Kheun Kapolres Bogor.
Geupeugah lé Pak peulisi nyan, saksi nyang na di seumijid Al Munawarah nyan ka lheuh geu paréksa sit. Bahkana lakoe si nong nyan pih ji paréksa lé peulisi.
"Hasil koordinasi, ka ta teutapkan pasal penistaan agama untuk ta jerat jih, lagè lam KUHP pasal 156. Ancaman peunjara 5 thôn." Kheun Pak Dicky nyan watè jumpa pers bak Mapolres Bogor, bunoe uroe Seulanyan (1/7).
Nyopat neu nonton Video
Teuma sampé inoehat SM hana ji drop lom lé peulisi. Seubab teungöh lam pendalaman pemeriksaan. Hana lom jeut keu tersangka, mantöng terperiksa.
Nyan keuh ban Apa baca bak AJNN bunoe lheuh leuho. Seudangkan poto ata CNN Indonesia. Keu kiban lanjutan peukara nyan kakeuh ta prèh haba dari peulisi lom. Bèk sampé sigöe sapu, han ék ta khem kiraju.
0 Response to "Inöng Peutamöng Asèë Lam Seumijid Bogor. Peulisi: Penistaan Agama, 5 Thôn Peunjara"
Post a Comment