Guru Kontrak di Subulussalam Demo: Keupu Meujak Tes Ulang Kamoe Nyang Katrep?
Nasaja Berita - Subulussalam, Leubeh seureutoh droe guru kontrak nyang na di Kota Subulussalam bunoe uroe (Seulanyan 8/7) jak demo bak DPRK dan kanto Walikota Subulussalam.
Ureung nyoe geujak tuntut Dinaih Pendidikan dan Kebudayaan nyang cok keuputusan supaya guru-guru kontrak awai nyang ka trep meungajar dan keurija untuk seleksi dan teih ulang.
Salah sidroe guru kontrak geueugah bak awak kanal Aceh nyang jak liput langsong, han meutueng meunyo jak seleksi ulang. Seubab awai ka na surat keputusan dari Keupala Dinaih awai, Irwan Yasin, deungon Nomor: 188.45/003/75.102/2019 Tanggal 02 Januari 2019. Teuntang pengangkatan guru kontrak le Dinaih PK Kota Subulussalam.
"Kamoe han meutem jak tes ulang, kamoe ka meukeurija deungon get. Bek le jak obok-obok, jak peukacho. Meunyo teih ulang untuk tamah tenaga kontrak silahkan, hana meudaleh sagai. Teuman meunyo kamoe nyang katrep meukerija nyoe, pane cocok jak teih ulang. Hana si meunyo ka abeh kontrak bak SK." Kheun sidroe guru kontrak nyang tugaih bak SD Binanga Rundeng nyan.
Teuma seubab hana respon sapu bak kanto dewan nyan, geuputa seutio keudeh bak kanto Wali kota teuman. Troh keunan pih hana jawaban sapu dari pihak poemerintah.
"Uroe nyoe kamoe jak hana soe peuduli, hana soe peureumeun, hana soe respon pih. Singoh kamoe jak lom." Kheun salah sidroe ureung jak demo nyan.
Seudangkan Plt. Kadis geupeugah seleksi nyan teutap haroih geulakukan untuk peubereh pat nyang hana bereh ata awai dum.
"Seuleksi nyoe teutap lanjot, deungon tujuan tapeutertib administrasi nyang seulama nyoe le that masalah. Miseujih lagee NUPTK, Kualifikasi Ijaza dan laen lom. Keudua untuk ta pasoe at formasi guru nyang mantong jibutuhkan le sikula. Nyang keu lhee untuk ta peurata guru kontrak pat nyang peureule. Nyan keuh nyan alasan kamoe han jeut meutunda atawa meupeubateu seleksi nyoe." Kheun Pak Sairun seulaku Plt Keuala Dinaih PK.
Keupada ubee na guru kontrak, Sairun kalheuh meupeugah supaya bek susah hatee. bagi guru nyang aktif mengajar, dan nyang ka trep keurija, teutap akan na pertimbangan dari pihak dinaih.
Meunan Apa baca bak KanalAceh nyang geutuleh le Satria Tumangger seulaku jurnalieh bak portal berita nyan.
0 Response to "Guru Kontrak di Subulussalam Demo: Keupu Meujak Tes Ulang Kamoe Nyang Katrep?"
Post a Comment