Tu Bulqaini: Ukeu, Teungku Ceuramah Wajeb Beuna Rekomendasi Dari MPU

Nasaja Berita - Banda Aceh, Waki Keutua MPU Kota Banda Aceh, Tu Bulqaini Tanjongan nyang meurupakan salah sidroe ulama nyang jisegani di Aceh seukaligus pimpinan Dayah Markaz al Ishlah al Aziziyah di Lueng Bata, Banda Aceh geusampaikan nyang bahwa ukeu eunteeuk soe-soe nyang keuneuk ceuramah dan seumeubeut di Aceh beuna surat rekomendasi dari MPU.

"Ukeu beurangkasoe nyang keuneuk ceuramah di Aceh, wajeb beu na surat rekomendasi dari MPU. Deungon tujuan untuk ta jaga bek sampe karu lam masyarakat." kheun Tu Bulqaini.

Pu lom deungon keujadian baroesa nyang ji jak undang useutad Firanda Andirja keunoe u Aceh, abeh karu ureung dum.

Alasan utama nyang jeut keu karu tok gara-gara useutad nyan ji jak kheun keu ureung meu aqidah asy'ariyah sesat dan ji peugah ureung chiek Nabi geutanyoe nyang mulai, asoe nuraka.

"Kon useutad nyan nyang han ta brie jak u bumoe Seuramoe Mekkah nyo, tapi pemahaman dan ajaran nyang geu ba keunoe." Ka beutoi nyan Tu, Apa seutuju that. Seubab geujak keunoe jak seumeubeut, panee jeut ta brie jak. Meunyo geujak seukeudar geujak meu'en u Seumijid Raya, Museum Tsunami, Kapal Apung atawa keudeh u Lampuuk, pakon han geupakat ngon geuh beuramee lom.

"Nyan haba dan pemahaman nyang ji ba le Firanda nyan kon cuma meuneuntang deungon aqidah islam nyang na di Aceh, tapi ngon mayoritas mansaboh donya meuneuntang." meunan kheun Tu nyang meurupakan salah sidroe alumni terbaik dari Dayah MUDI Mesra Samalanga.

Bahkan geulanjot le Tu, meunyo aqidah asy'ariyah lagee di Aceh sesat ka mansaboh Indonesia sesat ureung. Seubab jeulaih that lam seujarah, nyang phon that na Islam di Nusantara Indonesia Raya nyoe nyang keuh di Aceh. Dan Aceh lah nyang peutroh Islam keu mansaboh Nusantara. Nasaja kiraju.

Meunan Apa baca berita bak Media Aceh nyan ka awai ka geupeu-ek lam tanggai 15 baroesa, Apa ka teulat meukeurija, kakeuh teulat ji ek berita. Nyan poto ata Apa mita laen bak gugel, nyang leumah gagah Tu.

Share this post