Teungoh Uroe Peukan, Keude di Matang Tutong. Karap Abeh Man Saboh Ree
Nasaja Berita - Bireuen, Abeh gabuk ureung lam keude matang bunoe uroe seubab ji beudoh apui di kawasa Keude Matang, toe ngon teumpat biasa Apa pajoh sate bak keudee Sudimampir, sate Tubaka. Teuman nyang tutong kon rak satee atawa sumber apui pih kon gara-gara awak tet sate, bek salah meuphom.
Keude nyang tutong meunurot info di likot keudee Sudimampir, bak jalan pisang meunyo kheun ureung matang. Toe deungon terminal matang awai.
Toko nyang tutong nakeuh toko grosir Niaga Baru ata bang Fauzan dan saboh toko Gorden Tailor ata bang Rais. Alah toko nyan ka beuton mandum, jadi trep siangen meutheun apui, meunyo keude kayee, lam minet jipajoh le apui. Na can ijak mansaboh ree sang.
"Meunurot pantauan sumber apui gara-gara korslet listre bak toko grosir nyan bak tingkat dua." Kheun bang Zulfikar seulaku ketua posko pengendali Tagana Bireuen.
Meunurot geucalitra kronologis jih, apui phon bak lantai dua toko grosir, lheuh nyan apui meutamah raya sampe jipajjoh lantai dua toko gorden. Bak sang sit ubee na ija jipajoh di ateuh, makajih bagah jipajoh le apui blah nan. Nyan bak Apa kira sang meunan.
"Meunan geukalon apui ka meutamah raya, poe keudee grosir nyan geusurak leupah raya, geulake tulong bak warga seukitar. Na siat lheuh nyan, troh ju awak pemadam." Kheun Bang Zulfikar.
Memang bereh awak pemadam di matang, bagah buet. Meunyo teulat troh ka keumah teuh. Meunan geutuleh le Bang Fajri Bugak bak Acehsatu.
Seulaen dua boh toko nyan, na lhee boh toko laen nyang keunong dampak dari tutong keude nyan. Hana troh apui, teuman suum uap apui nngon asap punoh lam keudee ureung nyan. Dealer honda sekon ata bang Zulfuadi, bengkel honda ata Marzuki atawa Apa Ki meunyo awak nyoe meuhei biasa dan toko Nana Collection ata Bahriana. Meunyo ka na nan Collection nyan biasa toko bajee, tapi hom sit.
0 Response to "Teungoh Uroe Peukan, Keude di Matang Tutong. Karap Abeh Man Saboh Ree"
Post a Comment