Teungku Wahed: Tulông Hapoih Video Ceuramah Lon Bak Yutub
Nasaja Berita – Banda Aceh, Teukaét seruan Teungku Wahed Tualang Cut nyang lakèë tulông hapoih video droeneuh nyan bak yutub (bagi nyang jak mita pèng bak yutub deungön asoe video Tengku Wahed ceuramah) nyan beu é ta meuphôm. Bèk sampoe ka tan adab geutanyoe deungön Teungku Wahed nyang leupah bereh meunyo lam acara dakwah di Aceh.
Nyang keu phôn: Asoe ceuramah Teungku Wahed kadang peurlè na nyang haruih teuedit, seubab kadang na basa nyang han paih ta pasoe lam yutub. Pu lom meunyo awaj yutub ji edit pat nyang jeut keu bahan mita awak nonton sagai. Jeut keu fitnah.
 |
| SINOE NEU CUKÈH NEU NONTON KEUDRO |
Nyang keudua: Teungku Wahed na tim droe lam hai edit video dan aplod. Beu na ta bôh yum karya cipta gob Nyang na peu ék video Teungku Wahed Tualang Cut deungön tujuan mita pèng. Beu meuphôm, jak bak Teungku Wahed jak lakè idin. Bek jak tuntut Teungku Wahed beu ikhlaih, seudang di awak mita pèng deungön asoe ceuramah Teungku Wahed, hana ji bôh yum Teungku Wahed meu sikhan glah kupi pih. Padahai pèng röt yutub bak akun syenel jih ka ém ji sewa keudè kupi.
Pu p'uep daih di ureung dum kiraju. Donya jinoe mita pèng röt internet. Bék jak reupah ata gob, peukaya droe, hana bôh yum poe karya hak cipta. Meunyo hawa keuneuk aplod video untuk mita pèng, bloe kamera, pasoe minyeuk honda, pat ma geuceuramah, lhôh beugöt raya.
Nasaja kiraju. Makajih Apa hana meujak kopi paste berita gob, teuman meunyo meucok poto, pih meupeugah panèè, pat meucok. Meunan sit watèë Apa tuléh sumber pat berita Apa cok, lengkap deungön link jih, meutuléh lam wareuna biru lom. Padahai hana pèng tamöng hinan, meu keu sibak rukok Gudang Garamhan séip saboh-boh berita.
Teuman keu na ta bôh yum gob. Ka abéh minyeuk bak jak liput, abéh watèë bak ji meungetik, nyan pih na abéh pèng lom bak ii meureunoe untuk beujeut keu jurnalieh, beujeut ji teumuléh.
Teuman di Teungku Wahed, padum thôn abéh watè geujak beut, seuhingga cukôp bereh bak geuceuramah. Nyan rakan sapai nyang geuba sajan, untuk bloe kamera, rukok, kupi soe nyang kira.
Bèk geutanyoe nyang jak tuntut Teungku Wahed beu iklaih. Seubab nyang geu tham lé Teungku Wahed ureung jak elanya gobnyan, lam makna, jak mita pèng ngön ceuramah gobnyan. Sangkira pèngn nyan na ji jak jôk keu dayah bak Teungku Wahed jak beut dilèë atawa bak Teungku Wahed seumeubeut, nyan Apa yakin, Teungku Wahed geupeuidin. Seubab na weuk pikè keu agama. Adak hék Teungku Wahed, na weuk pahala meubacut röt yutub awak mita pèng. Nyo sapu tan. Makajih jak lakè idin, peuturi droe. Bèk meuhie pancuri lam internet. Meunan lah basa gasa jih. Nasaja kiraju.
0 Response to "Teungku Wahed: Tulông Hapoih Video Ceuramah Lon Bak Yutub"
Post a Comment