Prabowo Gohlom Jiucap Seulamat Keu Jokowi, Gerindra: Bèk Paksa-Paksa
Nasaja Berita - Jakarta, Prabowo sampe inoehat gohlom jiucapkan seulamat lom keu Jokowi dan Ma'ruf Amin seubab ka meunang, teuileh jeut keu Presiden dan Waki Presiden Indoneh, padahai kalheuh jiputuskan sidang MK untuk bhaih sengketa hasil Pilpres.
Partai Gerindra geulake bak ureung nyang yu-yu Prabowo untuk ucapkan seulamat keu Jokowi beu rayek saba, dan bek paksa-paksa, hana meupu cap dum.
"Mantong panyang watee sampe uroe pelantikan, jadi beu seulow." Kheun politikus Gerindra Hendarsam Marantoko, watee diskusi bak restoran d'consulate, di jalan Hasyim Wahid, Jakarta Pusat bunoe (Sabtu 29/6) seugolom Leuho. Apa hana soe pakat bak restoran meusigo pih. Adak jipakat pih han meujak, mangat that Da Mulah magun di rumoh.
Prabowo ngon Sandiaga pih hana hadir bak acara penetapan pemenang le KPU singoh uroe Aleuhad (30/6). Meunurot rencana meunan, han geuhadir. Tapi meunurot Herdarsam, soe tu'oh eunteuk uroe pelantikan keudeh buleun 10, Prabowo ngon Sandiaga geujak dan geuucapkan selamat. Jadi han geubrie paksa inoehat.
"Jameun thon 2014 na lagoe geujak bak pelantikan dan geuucap seulamat. jadi track record Prabowo jeulaih." Lanjot Hendarsam nyan.
"Jih cara peugah haba (style) ureung nyan kon beda-beda. Klaheuh geusampaikan geuhormati, nyan makna jih leubeh luah daripada seudeudar kheun seulamat." Nyan ban bak geusambong bacut teuk.
Meunan Apa baca bak Detik bunoe lheuh seumayang Asa. Keupu jijak paksa Prabowo, hana meupu cap dum. Jan nyang geuucap, geuucap geuh. Pu gabuek geutanyoe hana meupu cap. Tanyoe keuneuk ucap, tuleh ju seutatuih bak pesbuk. Ka hana geubaca le Jokowi, kakeuh jibaca le rakan bak pesbuk. Adak Apa pih hana lom meuucap, dan hana soe paksa pih. Nasaja kiraju.
0 Response to "Prabowo Gohlom Jiucap Seulamat Keu Jokowi, Gerindra: Bèk Paksa-Paksa"
Post a Comment