PDA Akan Meupeujuang Fatwa MPU Jeut Keu Qanun Lam Nanggroe
Nasaja Berita – Banda Aceh, Fatwa dari MPU teuntang game onlen Papji (PUBG) kalinyo rupajih trôh sit bak Abi Muhib seulaku anggota DPRA nyang seukaligus ketua partai PDA (Partai Daerah Aceh). Abi geuapresiasi that fatwa MPU nyan. Meunan siaran pers nyang troh bak Nasaja Berita uroe Aleuhad (23/6/2019) di Banda Aceh.
Bak sang Apa kira Abi Muhib (panggilan keu Tgk. Muhibussabri A. Wahab) meuganggu sit deungön peukateun awak meu'en PUBG lawet nyo bak keude kupi. Seip min dih ji teumeunak. Ukuran nah kupi-kupi laen rasa sigö ji teumeunak awak Papji nyan.
Meunurot Abi Muhib, sit ka tugas MPU, seucara moral, untuk cok tindakan ubee kewenangan MPU teunte jih. Nyakni peuteubiet fatwa.
"Di para ulama nyo ka seuleusoe tugaih untuk jaga aqidah dan akhlak umat Islaam di Aceh nyang reulöh meuseubab PUBG. Dan teunte nyan kalheuh geukaji le para ulama teukaet manfa'at dan mudharat dari game PUBG (papji) nyan". Kheun Abi Muhib seulaku ketua umum PDA.
Abi juga geusampaikan PDA meukomitmen untuk peujuang syari'at Islam, termasuk roh sit fatwa PUBG nyo dan fatwa-fatwa masalah laen untuk beujeut keu saboh kebijakan atawa qanun nyang meuikat lam undang-undang.
"Nyo komitmen kamoe. Syari'at Islam nyan hana tulak tarek, pu lom para ulama ka lheuh geupeuteubiet fatwa. Akan ta usahakan dan ta perjuangkan jeut keu saboh aturan nyang meuikat, lagee qanun." Nyan ban haba Abi Muhib. Rupajih Abi alumni UI Jakarta, hayeu lagoe Abi.
Abi pun geuajak masyaramat untuk dukong fatwa MPU dan pakat ureung lam nanggroe beutapateh fatwa MPU demi mangat jroeh generasi teuh ukeu.
"Tanyoe memang hanjeut ya bendung kemajuan teknonlogi. Teuman tanyoe harus mampu untuk ta selamatkan generasi teuh dari peungaroh teknologi nyang hana get, nyang merusak. Salah saboh nyang harus ta lakukan, ta pateh haba MPU." Meunan geutop haba le Abi Muhib.
Memang hana rugoe, meunyo na roh ulama lam partai. Dan ubee Apa teupu PDA sit memang keu backgrond jih nyan partai para ulama Aceh. Seubab awai sit Almarhum Abu Panton nyang peudöng partai nyan. Jadi meunyo bhaih meunyangkot syariat islam sabee paleng keue. Nasaja kiraju.
0 Response to "PDA Akan Meupeujuang Fatwa MPU Jeut Keu Qanun Lam Nanggroe"
Post a Comment