Nit That Nyang Tem Donor, Stok Darah di PMI Pidie Lheuh Uroe Raya Ka Kosong
Nasaja Berita - Pidie, Ka abeh persediaan darah nyang na bak PMI di kabupaten Pidie lheuh uroe raya baroe. Seuhingga meunyo na ureung saket nyang peurle darah, hana pat cok ilee siat.
Jadi meunyo na ureung saket nyang peurle keu darah, nyan suah mita keudroe ureung nyang tem donor. Meuhan hana cara.
"Beutoi ka si go minggu nyoe lheuh uroe raya puasa baroe, hana le darah bak PMI. Nyan akibat ureung tanyoe han geutem donor darah dum." Kheun Kabid Adm dan Keuangan Unit Transfusi Darah PMI Kabupaten Pidie, Rafsanjani.
Geusampaikan le Pak Rafsanjani, biasa jih lam si uroe peurle 80 boh kantong darah untuk ta bantu ureung saket nyang na di rumh saket umum Tgk Abdullah Syafi'i, RS Citra Husada, RS Mufid, RS Ibnu Sina sampe RSUD Pidie Jaya.
Geupeugah lom, lawet nyo PMI Pidie dan Bank Darah RSU Tgk Abdullah Syafi'i jak mita darah deungon cara peugot acara donor bak-bak teumpat nyang mungken geu peugot. Jemput bola istilah awak nyo kheun.
"Seulaen memang na nyang jak donor u PMI, kamoe sabee na meujak bak teumpat nyang ramee ureung untuk peugot acara donor darah." Meunan kheun Pak Rafsanjani.
Jadi meunyoe ramee ureung nyang tem donor darah, le stok darah bak PMI dan rumoh saket, mangat ta keurija untuk a bantu ureung nyang butuh darah. "Ta harapkan masyarakat beu geutem bantu donor." Kheu beliau.
Meunan Apa baca bunoe seugolom jak seumayang mugreb bak Beritakini nyang geutuleh le bang Firman nyang ceudah rupawan.
0 Response to "Nit That Nyang Tem Donor, Stok Darah di PMI Pidie Lheuh Uroe Raya Ka Kosong"
Post a Comment