Ketua GAMS Bireuen: Ta Dukông Fatwa MPU Keu Maslahat Generasi Ukeu
Nasaja Berita – Bireuen, Lawét nyo teungöh brat that karu ureung Aceh, teurutama nyang muda-muda bahaih masalah fatwa MPU teukaét ka geupeuhareum game PAPJI (PUBG) dan nyang saboh model deungön nyan.
Bah pih Aceh padahai jithèë lé donya meunyo keu masalah fanatik keu Teungku dan Ulama, kalinyoe abéh meuchokolo dum kiraju. Leupah ramé aneuk.muda nyang jiteujeut peukabèh fatwa dan jiteunak ulama bak pesbuk, inseutagram sampoe 'an bak statuih WA. Asai na pat teumuléh, jitakat saja neikiraju. Nyang bela pih hana kureung, beurangkaban ji tém meudöng bela ulama.
Salah sidroe aktivis muda dari Kabupaten Bireuen, M Ilham Sakubat pih ikôt meukomentar teukaét fatwa MPU. Komen adoe teuh nyan hana panyang-panyang that.
Teuman nyang inti jih fatwa Ulama MPU harus ta dukung saban-saban. Ilham.yakin that nyang bahwa MPU watè geu fatwakan saboh-saboh hukom teuntè ka awai geukaji dan geuteliti teukaét hal nyan.
Ketua GAMS (Gerakan Aneuk Muda Sosial) wilayah Bireuen nyo pih ji pakat aneuk muda terutama jih, untuk hormati fatwa ulama. Bék meuka jungkat keueng keu ureung tuha, apalagi MPU nyan majeulieh teumpat meusapat para Ulama nyang na di Aceh. Seureuta para ahli laé nyang meuphôm dan ahli di bideung nyan.
Bak ujông jisampaikan lé Ilham, "Ci kalön rata sagoe jinoe, aneuk muda bahkan nyang manyak-manyak mandum laloe ngön game. Bahkan na nyang hana ji padoli lé keu pendidikan dan masa depan. Nyan harus seugera tasadari dan ta atasi beursama-sama." Kheun aneuk muda meutuwah nyan.
Meunan lah aneuk muda Aceh. Nyan ka meuhie aneuk muda na piké keu generasi ukeu.
Meunan lah aneuk muda Aceh. Nyan ka meuhie aneuk muda na piké keu generasi ukeu.
0 Response to "Ketua GAMS Bireuen: Ta Dukông Fatwa MPU Keu Maslahat Generasi Ukeu"
Post a Comment