Ka Paleh, Ka Abeh Jicu Batere Lampu Jalan di Lhokseumawe
Nasaja Berita - Lhokseumawe, Puluhan batre lampu tenaga surya untuk peutrang jalan di Kota Lhokseumawe abeh gadoh dum, jicok le OTK. Hai mandum nyang hana ta turi OTK ta kheun, nyang inti jih pancuri.
Nyan seupanjang jalan Pasee, Lhokseumawe, batere jih hana meuhoe le, tinggai kotak soh nyang meulhat bak tiang listrek. That na teuh kiraju.
M. Hasbi, salah sidroe anggota DPRK Lhokseumawe geusayangkan keujadian nyan di Lhokseumawe. Seubab deungon hana le batere nyan ka hana udep lampu bak jalan, dan supot ka pasti. Abeh rugo ureung masyarakat umum.
"Kamoe harapkan bak poemerintah Kota Lhokseumawe melalui dinaih nyang uroh bhaih nyan untuk mita solusi beu bagah. Sayang teuh masyarakat meunyo supot that jalan." Kheun beliau nyan.
Memang jituri that cu le pancuri pangeh nyan dum, batere solar sel nyan yum pih leupah meuhai. Seupanjang jalan bak Krueng Cunda nyan. Bahkan kon cuma di Lhokseumawe, pat laen meunan sit keujadian.
Untuk dana renovasi batere solar sel nyan pih meuhai that. Maka DPRK Lhokseumawe ka geusampaikan sit bak poemerintah Kota Lhokseumawe meulalui dinaih nyan untuk ganto mantong lampu nyang bek le na batere. Tapi langsong nyang dari sinar mata uroe lagee di Bireuen dan di Banda Aceh.
"Tiep thon na anggaran untuk renovasi lampu nyan. Teuman jinoe seubab batere lampu nyan ka gadoh, adak meujeut ta tuka mantong ngon lampu nyang model baro. Aleh seip dana pih hom, a harap beu na mantong dana dan beu sep." Kheun Beliau nyan.
Meunan metuleh bak AJNN ata geutuleh le Kak Sarinah. Nyan poto ata geupoto langsong le Kak Sarinah nyan keu contoh barang. Nasaja kiraju, pantang leumah, pu nyang na jiramah.
0 Response to "Ka Paleh, Ka Abeh Jicu Batere Lampu Jalan di Lhokseumawe"
Post a Comment