Innalillah, Sidroe Warga Nagan Raya Meuninggai Lam Lampôh Sawét, Punôh Darah
Nasaja Berita – Nagan Raya, Leupah sayang ta kalön Teungku Muhammad Yusuf (45 thôn) warga Darul Makmur, Nagan Raya. Baroe uroe Aleuhad (23/6) meunan jikalön le ureung gampông ka abeh umu lam lampôh sawét.
Meunurot Apa baca bak situs Beritakini nyang geutuléh le bang Masrizal, ureung berita kini geuteume info dari peulisi Nagan nyakni AKP Boby Putra Ramadhan seulaku Kasat Reskrim Polres Nagan Raya.
Korban nyakni M. Yusuf phôn jiteumé lé ureug gampông nyang lewat röt jalan lampôh sawét M. Yusuf. Meunan trôh keunan geukalôn ka M. Yusuf teutiek bak tanôh deungôn abéh meulabo darah mansaboh tubôh geuh. Dan ka abéh umue sinan. Meunan calitra Pak Boby nyan.
Peulisi bak jikira-kira sang nyan korban jielanya (aniaya) lé gob. Seubab hana jiôh dari teumpat meureumpök mayet nyan, na meuteumé senjata tajam (mungkén sikin, parang, leumbéng, peudeung, sadeup, silet atawa cangkoi, hana geupeugah pu. Nyang ka pasti senjata tajam). Meunan sit deungön kondisi korban. Sit leumah nyang bahwa korban jipoh deungön senjata tajam nyan nyang ka meulabô darah.
Jinoe peulisi teungöh jiteliti dan jiparéksa soe peulaku dan pu motif, seubab seureuta alasan peulaku jak poh M. Yusuf sampe atee meunan, lheuh ji olah TKP.
Nyan Pak peulisi kön, meunyo neuteumé awak poh nyan, neu cut'iet meu seureutôh gö sapoe bak kulét pruet jih. Bèk neu poh-poh. Neu cut'iet mantöng. Bah jirasa kiban peudéh. Nasaja kiraju. Buet nyang han jeit keubuet ji pubuet.
0 Response to "Innalillah, Sidroe Warga Nagan Raya Meuninggai Lam Lampôh Sawét, Punôh Darah"
Post a Comment