Innalillah, Rumoh Pimpinan Dayah di Aceh Timu Tutông
Nasaja Berita – Aceh Timu, Teungku Rusli (41) pimpinan Dayah Darul Muta'alimin di Gampông Teupien Breuh, Simpang Ulim baroe tutông.
Rumoh memang semi permanen. Neu tu'oh kiban semi permanen, sikhan beuton sikhan kayèè, nyang semi permanen geukheun. Ukuran rumoh meunurôt lam berita nyang geu peu ék le Kak Sarina bak AJNN, 8x12.
Meunurôt geusampaikan lé AKP Dasril seulaku peulisi di Simpang Ulim, rumoh tuntông wap korslet.
"Apui dari stop kontak tiphi nyang beureutôh, ji teubiet apui, lheuh nyan ji 'eue ju apui mansaboh bintéh rumoh." Meunan calitra Pak Peulisi nyan, teuntè dari calitra korban.
"Watè tutông nyan, ureung na lam rumoh, seubab cöt uroe. Karap leuhoe, poh 12:30. Liseutrek pih udép, rumoh sit lam komplek dayah. Teuman alhamdulillah hana korban jiwa. Mandum seulamat." Lanjôt gobnyan.
Meunuôt lheuh peutren boh thèk thok, 100 juta hana kureung nyang han jeut lé keu raseuki Teungku Rusli neukiraju.
Sayang that, uroe raya karap, rumoh ka tutông. Nasaja musibah neukiraju.
0 Response to "Innalillah, Rumoh Pimpinan Dayah di Aceh Timu Tutông"
Post a Comment