Baro 26 dari 73 Droe Napi Penjara Lhoksukon Nyang Ka Jidrop Keulayi, Laen Hoe?
Nasaja Berita - Banda Aceh, Uroe Aleuhad tanggai 16/6 baroe, 73 droe jibalap nara pidana dari penjara di Lhoksukon Aceh Utara lheuh ji trom pinto. Sampe baroe uroe Seulanyan tanggai 17/6 baro na 26 droe nyang ka meuteume dan jisak bak sot.
Salah sidroe napi nyang ka ji drop adalah Rahmad Irmawan. Meunurot nyang geusampaikan le Kaplosek Langkahan, Ipda Samsul Bahri, Rahmad jidrop di kawasan Gampong Seureuka, Langkahan. Rahmad ji meusom bak rumoh syedara jih.
"Napi nyang ka ta drop nyan ka lheuh ta jak intat teuma keudeh u Kaplores Aceh Utara," Kheun Pak Kapolsek nyan bak awak Klikkabar lagee geutuleh le bang Zamzami Ali.
Seudangkan Pak Kapolres Aceh Utara, AKBP Ian RIzkian Miliardin geuhimbau bak para napi nyang ka abeh ji balap nyan untuk woe bak sot. Meuhan abeh buet geupeucroek. Dumhoe jeut jibalap, beurangkaban geumita, nyan dum kiraju.
"Dum hoe jeut jiplueng, dan dumpat jeut ji meusom. Teutap ta peucroek. Jadi leubeh get, gisa keunoe, woe keunoe bak sot." Kheun Pak Kapolres lagee Apa baca bak AJNN nyang geutuleh le bang Safrizal baroe.
Nyan ban foto penjara di Lhoksukon ata bak web AJJN Apa cok, lhat keunoe. Seudangkan foto napi nyang ji drop nyan ata bak Klikkabar Apa cok, Apa teupek sinoe.
Karap silap Apa kalon satnyo bak gamba nyan, ji tuleh Asian Games cabang Rutan Lhoksukon. Sang-sang nah Asian Games cabang melarikan diri. Makajih leupah bagah, meu crueh jiplueng awak lam rutan nyan. Nasaja kiraju, meunyoe seumpat roh bak ayat nyan silap teuh, na can hana soe pateh le haba dan berita nyang Apa rawi. Karap meuramah biet.
0 Response to "Baro 26 dari 73 Droe Napi Penjara Lhoksukon Nyang Ka Jidrop Keulayi, Laen Hoe?"
Post a Comment