Tgk Munawar: Bek Nyang Meunang Dipeutalo, Nyang Talo Dipeumeunang
Nasaja Berita - Bireuen, Munawar Yusuf caleg DPRA dari PA atawa nyang leubeh jituride ngon nan Tgk Munawar teungoh geupreh kiban keputusan dari Ketua Partai Aceh Wilayah Bireun, Abu Darwih Jeunieb untuk peu bla masalah gobnyan deungon Khalili teukaet soe nyang jatah ek keu DPRA.
Memang teungoh hot that neukiraju i Bireuen untuk masalah nyo. Panaih meunan, teuman hana leumah bak masyarakat, sabee droe geuh sagai. Masyarakat baro teupu watee ka na berita.
Apa meukalon bak Dialeksis ata Fajri Bugak tuleh, nyang bahwa ureung nyo kalheuh na geujak tanyong bak Tgk Munawar kiban ka bhaih nyan.
Meunurot Tgk Munawar, gobnyan leubeh le suara daripada Khalili. Seubab hasil C1 nyang ka jirekap le tim iternal timses 6.077 neuk suara geuteume le Tgk Munawar. Seudangkan Khalili cuma seukitaran 5.905 neuk suara.
Jadi geupeugah le Tgk Munawar, "Bek sampe nyang meunang dipeutalo, nyang talo dipeumeunang." Meunan kheun Tgk Munawar bak awak dialeksis.
Tgk Munawar geulake bak Ketua DPW Partai Aceh, Bireuen, Abu Darwih untuk peunyata ata nyo, dan bek meucawo-cawo.
"Lon harap beu meureumpok saban-saban teuh, ta duek ta peuteupat masalah nyo, deungon musyawarah, deungon bukti lagee na laju. Mangat bek sampe karu." Kheun Tgk Munawar.
Teukaet hal na ureung nyang ngaku timses gobnyan nyang ijak segel kanto PA di Bireuen, Tgk Munawar hana geuteupu.
"Lon hana ku teupu dan hana kutusoe soe nyang jak peulaku nyan. Nyang jeulaih lon hana ku yu awak nyan. Nyan pih baro kuteupu lheuh kubaca bak media." Meunan geusampaikan le Tgk Munawar.
0 Response to "Tgk Munawar: Bek Nyang Meunang Dipeutalo, Nyang Talo Dipeumeunang"
Post a Comment