Sekjen PDIP: Di Aceh Sijuta Yum Suara dari Saboh Keluarga
Nasaja Berita - Jakarta, Gawat that haba pak Sekjen PDIP, Hasto Kristiyanto kalinyoe keu bhaih peulitek di Aceh kiraju. Geupeugah le gobnyan, na nyang jok peng keu saboh keluarga sijuta untuk pileh lawan Jokowi-Amin watee pilpres baroe.
"Kamoe kalon teuga that money politics atawa jibayeu suara watee pemilu di Aceh. Bahkan na saboh keluarga di daerah lampoh karet dan lampoh sawet jibayeu sijuta rupiah untuk pileh seulaen Jokowi-Amin." Kheun Hasto, dikeu rumoh Megawati, bak Jalan Teuku Umar, di Menteng Jakarta Pusat uroe Hameh tanggai 9/5, bunoe.. Apa pike jalan Teuku Umar di Aceh, di Seutui, pajan phon ka na rumoh Megawati hinan. That na teuh, karap salah kiraju.
Hasto nyan memang masa kampanye baroe na troh ijak u Aceh, di Bireuen sideh na jiduek ngon relawan Jokowi.
Meunurot Hasto, Sekjen PDIP nyan, nyan jeut keu salah saboh faktor sit pakon Jokowi talo di Aceh, seulaen daripada teuga that fitnah keu Jokowi. Padahai seulama nyo Jokowi toe ngon ureung Aceh. Le that pu program keu Aceh.
Nyan keuh meunan kheun Hasto. Teuma hanjeut panyang-panyang that ta tuleh berita awak PDIP, beungeh awak droeneuh keu Apa eunteuk. Aleh pakon brat that icaih neuh dum keu PDIP. Tapi adak meunan-meunan, kalinyo langsong dua boh berita haba Sekjen PDIP Apa peu ek bak nasajaberita.com Seubab meunoe ijih, seubagoe media berita, teutap tuleh dan peugah lagee na. Hanjeut som-som. Kiban, kon nyoe meunan ile? Adak kon pih neu peunyoe ju keudeh roh mangat bagah. Nasaja kiraju.
Meunan Apa baca bak Beritakini bunoe, ureung nyan ata geucok bak detik.com
0 Response to "Sekjen PDIP: Di Aceh Sijuta Yum Suara dari Saboh Keluarga"
Post a Comment