Rupajih Seubab Harta, Aidil Ginting Ka Pungo dan Supot Mata
Nasaja Berita – Lhokseumawe, Ka ji peugisa bak söt si Aidil Ginting, peulaku poh matee keluarga di Ulee Madon, Aceh Utara (Lasa 7/5) teungoh malam baroe, keudeh u Polres Lhokseumawe ji ba dari Mapolda Aceh di Banda Aceh. Lheuh ji drop le peulisi di Lambaro, Aceh Rayek uroe Lasa (7/5) baroe.
Baroe bak Mapolda si Aidil Ginting pangeh nyan ji peupungo-pungo droe, ji akting lagee ureung jiteumamöng. Nyang tujuan mangat bek brat keunong hukoman. Ek na teuh han keunong hukoman lheuh ji koh taku peurumoh dan ji top aneuk dara jih lom nyang umu baro sikula SD. Nyang peudeh lom aneuk bayi umu 16 buleun baro, lam kulah lam kama manoe ji tiek. That paleh keubiet.
Irawati nyang jeut keu korban nakeuh purumoh dari Aidil Ginting nyan. Meunurot info si Aidil nyo lakoe keulhee Irawati. Nyang keuphon sidroe ureung kaya, teuman ka meuninggai, nyang keudua ka cree. Lakoe phon nyo le that harta. Jadi le jatah harta wareh keu aneuk-aneuk Irawati. Meunyo lam bahsa Indoneh ji kheun harta gono gini.
Rupajih nyan keuh nyan nyang jeut keu seubab si Aidil arakate paleh nyan ji poh keluarga jih (peurumoh ngön aneuk tiri jih).
Meunan geusampaikan le Kapolres Lhokseumawe, AKBP Ari Lasta Irawan melalui Kasat Reskrim AKP Indra T Herlambang, Rabu (8/5) lheuh jipareksa si Aidil Ginting.
Lam padum buleun nyo, si Aidil sit teungoh meukarat peng. Peng tamong kureung, jiharap that bak peng harta warisan ata keuneubah lakoe phon Irawati. Teuman beh pane jak tem teken ile di keluarga. Kon hana troh keunan bangai ureung dum. Pu lom nyan harta keu Irawati dan aneuk-aneuk nyang mantong ubiet untuk jak sikula.
Meuh'op Apa Aidil Ginting nyan. Ji ancam poh matee. Nyo ka troh janji jih. Keubiet ji poh matee keluarga (peurumoh dan aneuk ui jih).
Nyang han ek Apa Raban pike baroe ji peugah keudroe teumamong. Hana sadar ji poh, ka mulai peupungo-pungo droe. Uroe nyo, lheuh ji gusuk le peulisi, ka hana pat peupugo-pungo droe le. Ka suah ngaku nyan mandum seubab peukara harta. Nasaja kiraju.
Meunan Apa Raban baca bak mercinews.com, Teuma sang nyan berita dari Kak Sarina, dari jurnalieh Ajnn. Bahkan ji calitra le awak nyoe jurnalieh laen, ji lakee trom si Aidil nyan meu meupatee lam abee kiraju.
0 Response to "Rupajih Seubab Harta, Aidil Ginting Ka Pungo dan Supot Mata"
Post a Comment