Raseuki si Fauzul Abadi (Faul), Beasiswa S3 Dari Pomerintah Aceh, Seubab Juara Liga Dangdut
Nasaja Berita - Banda Aceh, Nyan ban neukiraju meunyo raseuki. Beureukah buleun puasa keu si Faul nyang juara 1 bak acara Liga Dangdut nyang jilhoh bak Indosiar lam padum minggu ka u likot. Apa meusikhan episode hana meu nonton. Cuma meueupu seubab Da Mulah hanjeut tinggai acara nyan. Ukuran ta pakat jak meu'en uta-puta kutaraja pih han geutem jak neukiraju. Teuman sira duek-duek, eh-eh, kon ka geucalitra bacut. Maka jih meuteupu.
Baroe, uroe Lasa tanggai 21 si Faul ji jak u rumoh dinaih Pak Plt Gubernur, Nova Iriansyah di bineh lapangan Blang Padang, Kota Banda Aceh. Faul nyo saboh gampong ngon Pak Nova di Bener Meriah.
Jadi nyoe berita ata Apa kalon bak inseutagram BPSDM Aceh dan bak twiter Banda Aceh Info. Bak Dialeksis na sit jimuat, pat laen ubee Apa kalon hana leumah lom sampe beuklam. Bak pesbuk awak nyo pih ramee nyang positng bhaih nyan.
Pak Nova geusampaikan teurimakasih bak awak Indosiar seubab ka jipeuduek acara lomba Liga Dangdut nyan. Geupeugah le Pak Nova nyan acara nyang berkualitaih untuk nanggroe. Meunyo han neupateh haba Apa peugah neu kalon keudroe bak twiter nyan atawa bak link Dialeksis.
Hadiah keu Faul dari pemerintah Aceh, geujok beasiswa S3. Bak poto nyan seucara simbolik sagai. Panee mungken hinan geujok teuman, kadang meu kampuih toh nyang teurimong pih hana meupu lom. Nyang inti jih, si Faul kalinyo ka na beasiswa dari Pemerintah Aceh untuk jak kuliah S3.
Keu aneuk kumuen atawa rakan Apa nyang laen, meunyo hawa keuneuk meureumppok beasiswa dari pomerintah Aceh, kajeut ikot jejak si Faul. Meunyo hana keumampuan, bek. Bah neumita cara biasa mantong, peusiap bahan, jak lamar bak BPSDM.
0 Response to "Raseuki si Fauzul Abadi (Faul), Beasiswa S3 Dari Pomerintah Aceh, Seubab Juara Liga Dangdut"
Post a Comment