P'uep Daih! Teuga That Jibalap, Roh Meupeuteupat Bak Tutu Pango
Nasaja Berita – Banda Aceh, Nyan ban meunyo ka maw'ot neukalön. Padahai karap ubee na ureung nyang jak u Banda Aceh ji teupu nyan tutu Pango nyan mantöng puntong.
Jalan nyang meusambong dari arah Lueng Bata ta wet uwie u Pango. Meunyoe dari arah Simpang BPKP ta wet uwie tumboh keudeh u Lambaro. Meunyo ta peuteupat suah pakek sayeup meuhan jadeh meuhambo sajan awak meukat sipatu watee malam sinan.
Di Teungku Indra ngön Teungku Agus aleh pu teuga that geutarek gah honda balap, hai Yamaha R25 ji balap. Dari arah Sp.BPKP ji peuteupat. Teuman kön keubiet teuh. Meunyo tanggong, kakeuh ateuh jalan aseupal. Meunyo teuga ta gah, kadang ji tem meusangkot lam meja nyang geu leung le ureung meukat sipatu sinan.
Nyangkeuh nyan maw'ot. Ubee nyang ka Apa lewat röt nan hana tom keujadian meunan. Bahkan nah, Apa sigö-gö meunyo meujak wet puta kota Banda Aceh watee malam ngön Da, sinan meupiyoh, pajoh kacang lam bungkoh, sira duek khem peugah haba kalön buleun purnama. Nyan meunyo hana reudok.
Seubab sit hanjeut ta peuteupat keunan, na jipeuduk batee beton. Ada löt pih, saboh honda sagai. Teuman aleh kiban cara Teungku Indra ngön Teungku Agus nyan. Sang hana jituhoe jalan. Seubab meunurot calitra ureung nyan dua awak Bireuen.
Sampe inoehat mantöng seulamat. Ka geuba u rumoh saket Zainoel Abidin, Lampriek Banda Aceh. Alah ma beh teuh. Nasaja kiraju.
Pu keuh wap meunonton si Makmakhes bunoe teuga that jibalap, atawa si lumboi 99 salah tamön bengke watee ji piyoh balap. Nasaja kiraju.
Beu seulamat adoe meutuwah, jeh uroe raya di keu mata. Keu honda singöh tapike. Bah pih R25 nyan Yahama, honda sit takheun. Ka mangat.
0 Response to "P'uep Daih! Teuga That Jibalap, Roh Meupeuteupat Bak Tutu Pango"
Post a Comment