P'uep Daih! Sidroe Peulisi di Meureudu Meukat Sabu, Ka Jibeureukah le Peulisi Pidie
Nasaja Berita - Sigli, ka jikeurija awak Reserse Narkoba Polres Pidie keunan u daerah meureudu, Pidie Jaya nibak Malam Sabtu, 24/5. Ji teume beureukah sidroe okeunum peulisi deungon Inisial Fir, awak Meureudu nyang diduga jimeukat sabu-sabu.
Watee ji drop pih kon sidroe, na ngon geuh, inisial jih Yul. Keurija wiraswasta, awak Meureudu sit. Ka paih, sabe-sabe Meureudu hinan. That ji peureuloh gampong droe.
Hai kiban kon meunan, seubab watee ji drop pih di Gampong Tuha Meureudu, Pidie Jaya. Teuman kon biet. Nyang meukat awak Meureudu, nyang bloe awak Meureudu, ji meukat pih di Meureudu. P'uep daih kiraju.
Watee jikonfirmasi le awak Beritakini bak Kasat Narkoba Polres Pidie, Pak Iptu Yusra Aprilia, beutoi geupeugah nyang bahwasajih na sidroe okeunum peulisi nyang jibeureukah le tim di Pidie Jaya seubab diduga jeut keu awak edar sabu-sabu. Seubab meuteume keu alat bukti 0,37 gram bak jaroe si Yul nyan, bak si Fir meuteume 7,97 gram. Nyan ka meupaket-paket 7 boh paket.
Na ceng digital lom keu timang-timang sabu sang bak hie. Hape meuteume 2 boh. Nyan keuh nyan keu barang bukti.
Geupeugah le Pak Yusra nyan, seugolom jih seureng meuteume laporan dari warga nyang bahwa di seukitaran gampong Tuha nyan na awak meukat sabu. Meunyo ka na awak meukat, ka teunte na awak bloe, atawa keubalekan. Nyang inti jih meunan.
Jinoe mandua awak nyan si Fir dan si Yul ka jipeumana bak Polres Pidie, teungoh jipareksa ilee beu paih. Bek sampe salah.
Teuman nyo poto bak Beritakini Apa peu cet aneuk mata ilee bacut baro Apa peu ek keunoe. Bacut beda sagai lagee geupeu ek le bang Firman seulaku jurnalieh sinan.
0 Response to "P'uep Daih! Sidroe Peulisi di Meureudu Meukat Sabu, Ka Jibeureukah le Peulisi Pidie"
Post a Comment