Pancuri Kabel Ban Tamat Sikula, Beukah Muka Jitakat Le Warga
Nasaja Berita - Lhokseumawe, Buet nyang jipubuet tapi hanjeut keubuet nyang keuh ceumeucue. Beurangpu dan beurangkaso ji keudeh. Asai nyang nan jih ceumeucue, nyan peunyaket.
MR, sidroe reumaja nyang mungken ban tamat sikula, umu baro 19 thon neukiraju. Ji drop le ureung gampong, jitakat beukah muka jih.
Tok gara-gara ji cue kabel tower XL. Aleh hana ji teupu, ureung sinan ramee nyang pakek XL keu kartu internet. Nyan meunyoe ka jijak cue kabel, abeh meugangu jaringan gob ubee na kiraju. Atawa sit si MR icaih keu XL, seubab padum go putoh-putoh wate ji video call ngon cewek baro meureumpok bak teuraweh. Makajih ji cue kabel nyan. Nyan hom, seubab hana lom troh laporan dari Intel Mossad keu Apa.
MR nyan aneuk muda warga gampong Paloh Punti. Nyang drop ngon nyang takat si MR sampe beukah muka warga gampong Blang Panyang. Toe-toe gampong sinan pokok jih, seip minyeuk honda si lite, di kecamatan Muara Satu, Lhokseumawe.
Jadi meunurot geupeugah le Pak peulisi, Iptu Sofyanto, nyang bahwa peulisi baro meuteupu watee ka na laporan dari warga, nyang bahwa ka jidrop awak cue kabel. Langosng jibalap peulisi u teumpat keujadian peukara. Suah peuaman ju pancuri nyan, meuhan abeh jih.
"Troh keunan, langsong ta peuaman, na barang bukti, padum boh lilet kabel ngon kabel pipa kuningan." Kheuh peulisi nyan.
Jinoe si MR ka ji ba u Polres Lhokseumawe, sideh eunteuk jipareksa keulayi. Pu lom na ngon sidroe teuk, nyang cot ikue ji plueng watee geudrop le ureung gampong. Han jiteume raba silop kiraju. Nyoe ka meuramah si gam nyan, ka jimita le peulisi. Lam-lam buleun puasa jadeh. Manyak ka ka ceumeucue dum. Keupu watee puasa jimita peukara. Sang kira meunyo memang meukarat peng, kon jijak meukat ie ue muda keudeh kon. Nasaja kiraju.
Meunan Apa baca bak AJNN ata geutuleh le Kak Sarina nyang ceudah leupah na.
0 Response to "Pancuri Kabel Ban Tamat Sikula, Beukah Muka Jitakat Le Warga"
Post a Comment