Nyan Kagura! Na Nyang Peugah Si Aidil Ginting Nyan Jimeudukon
Nasaja Berita – Lhoksukon, Na teuingat nuh mantong kon keu berita nyang si gam panjo dari Medan jipoh inong ngon aneuk dua. Sampe nyang bayi ji seunom lam bak manoe. Nyang di Aceh Utara, di Gampong Ulee Madon, hai. Na lagoe. Ka teuingat neuh kon.
Jadi, lheuh ji olah TKP dan jipareksa le peulisi, na sangkaan nyang bahwa si Aidil arakate nyan jimeudukon. Haba nyan jipeugah le Bang Muzakkir. Adek dari lakoe phon kak Irawati nyang ka jipoh le si Aidil. Haba nyan Apa baca bak Acehtrend ata geutuleh le bang Mulyadi Pasee uroe Selasa (14/5) baroe. Keu beutoi ngon kon han ek Apa peu pasti lom bak Nasaja Berita. Seubab untuk ta teupu nyan, suah ta plah boh kruet ilee lhee kilo, lagee ata geupeureuno le Tgk. Chiek di Gunong Geurudong jameun.
Geupeuga le Bang Muzakir nyan, syok geuh keunan seubab na meuteumeungpadum-padum boh jeuneh benda ata si Arakate nyan. Miseu jih lage foto cewek, sesajen, aleh pu lam bahsa Aceh sesajen nyan, ka tuwo Apa seubab ka biasa lam basa Indoneh. Na sit keumeunyan, beuneung wareuna-wareuni, na ie lam glah, warna-warni sit. Nyang pasti kon ie seutrop lagee tajak meujamee uroe raya. Naa jarom, na batee, na trieng teuplah lom. That le pu na. Nyan keubiet nyo nasaja kiraju.
"Barang nyan meureumpok lam mari dapu bak rumoh Irawati. Lheuh nyan na sit lom meureumpok poto keluarga, tapi aneh jih poto jih ngon adek jih nyang mantong udep ka teukoh meunan." Kheun Bang Muzakir nyan.
Bahkan jipeugah lom le Muzakir "Na sit sion poto nyang kalheuh ji lhap lam ie, seubab poto nyan ka pudar, hana trang le". Sang bak jikira le Muzakir nyan ata pelaku, nyakni si Aidil nyan. Bahkan na meuteuem potokopu surat tanah ata Irawati sit.
Nyan poto nyan ata bak Acehtrend nyan sit, diduga nyan ata si Aidil. Ingat beeh, mantong diduga. Keu beutoi ngon kon, mantong teungoh jipreksa.
Nyan ban berita neukiraju. Teuman meunyoe neutanyong bak Apa lagee haba bunoe. Han ek ta jangkau lom, han ek jibaca le radar, supoe peukakaih nyan mandum. Soe nyang meudukon hana meusoe. Nasaja teuh kiraju.
0 Response to "Nyan Kagura! Na Nyang Peugah Si Aidil Ginting Nyan Jimeudukon"
Post a Comment