Leupah Gura Ka di Jakarta, Ka Mulai Jiteumimbak Untuk 'Paroh' Massa
Nasaja Berita - Banda Aceh, Ka dari baroe uroe Lasa tanggai 21 ka ramee ureung di Jakarta untuk jak demo KPU, Bawaslu dan Pomeritah neugara Indoneh, seubab lam pandangan ureung nyo, Jokowi meunang deungon cara nyang curang. People Power ji kheun, cara baca jih pipel power. Bek roh meubaca pilopes power. Grah teuh bak ta khem neukiraju.
KPU kalheuh ji umum teungoh malam baroe, awai tamong tanggai 21 baroe, meunang Jokowi-Makruf Amin, aleh padum persen hana get teuingat le., Nyang pokokjih ka meunang. Dan na jisaksikan le mandua poe pihak nyang wakili TKN blah Jokowi dan BPN blah Prabowo.
Jadi beuklam teungoh malam, kira-kira karap jeut pajoh saho, ka mulai ji "paroh" dum ureung ramee le peulisi. Bahkan na nyang jiteumimbak. Hai kon aneuk beude teumimbak lam prang jipakek. Tapi jitimbak gaih air mata. Ukuran meunyo keunong gaih nyan, roe ie mata teuh. Ie-ie idong ji lee, lagee ie krueng Barona Jaya neukira.
Nyang komandoi peulisi dan Brimob langsong droeugeh Pak Kapolres Jakarta Pusat, Kombes Pol Harry Kurniawan.
Nyan bak TVOne na ji live neukiraju. Teuman Apa hana meunonton. Panee ta teume nonton tiphi, beuklam malam Nuzulul Qureuan, kon ta jak deungo ceuramah, ngon ta beut-beut meupadum boh ayat. Hai nyoe hai, ek na teuh dum malam geupeutron Ayat Qureuan phon han roh ta baca Quran, hana cara lee ju.
Jadi massa nyang leupah ramee nyan jipeububar le peulisi. Nyang hana peunteng, ci gese ju. Meunan lah meuphom. Seubab cara paroh gasa meunan, meu'en teumimbak meunan. Meujibalah teuk ngon aneuk baatee dan meurcon. Leupah gura neukiraju.
Apa baca bak Sinarpost satnyoe lheuh Suboh. Han neupateh haba Apa kakeuh neubaca bak Sinarpost nyan, atawa neubaca bak berita laen jeut sit. Tapi pat laen bahsa Indoneh ji tuleh, hana lam basa Aceh lagee bak Nasaja Berita. Sulet sit ka hana bak Apa, buleun puasa panee jeut sulet. Dum buleun biasa mantong hana sulet. E masalah na cengkonek haba meuhie leubeh bacut, ka biasa. Nan mantong ta rawi berita lagee haba bak keudee kupi. Nasaja kiraju.
0 Response to "Leupah Gura Ka di Jakarta, Ka Mulai Jiteumimbak Untuk 'Paroh' Massa"
Post a Comment