KPK: Awak Korupsi di Indoneh, S2 Dum Sikula. Ka Paleh, Pu Ji Meurnoe Bak Kuliah?
Nasaja Berita - Jakarta, Nyo ta tuleh nyo na can beungeh awak kuliah S2 sang. Lagee bhah berita jatah kureusi dewan DPRK Bireuen baroesa. Alah, adak beungeh, ta tuleh sit. Seubab tujuan Apa tuleh, kon jak peubrok, tapi peuingat, mangat jut ta lhoh droe. Lagee Apa si uroe tujoh go meulhoh droe, mangat meuri, dum toh lagak mantong Apa keu Da Mulah tersayang.
Jadi meunnurot data bak awak KPK, tingkat jak sikula atawa pendidikan nyan, hana mupeungaroh keu buet jahee jak korupsi.
Jipeugah le Laode Muhammad Syarif, seulaku Waki Ketua KPK, "Meunyo dari data awak korupsi, nyan paleng le nyan titel S2, Master dum. Lheuh nyan S1 tingkat Sarjana. Baro lheuh nyan Doktor S3." Meunan jituleh bak viva.co.id, uroe Rabu 15/5.
"Meunyoe awak amat SMA nyan rata-rata kon peulaku, tapi cuma roh sagai." Kheun Laode. Lam bahsa Aceh mungken cocok ta kheun keunong geutah tok. Bak Apa rasa sang meunan.
Laode ji harapkan beuna mata kuliah anti korupsi bak kuliah-kuliah. Dan nyan bek cuma teori tok. Lheuh meureunoe lam glah, woe hinan pat nyang na mudah ju koh peng gob dan korupsi.
Seubab meunurot Laode, bhaih anti korupsi nyan mudah that meunyo teori. Tapi lam buet abeh droe teuh. Pu lom meunyo udep lam lingkungan nyang ka biasa korupsi. Nyang leubeh hek lom, meuseu ka na jiwa korupsi lam darah, ka meudarah gapah. Nasaja kiraju.
Bak pih nyan bak viva.co.id, Apa teutap meucok bak KanalAceh, seulaku media droeteuh, meunyo kon ta peumaju ata aneuk nanggroe, soe sit nyang peumaju. Meunyo Nasaja Berita, sit ka jatah wajeb peumaju. Pat nyang kureung neu tamah, Neu peubeutoi pat nyang salah.
0 Response to "KPK: Awak Korupsi di Indoneh, S2 Dum Sikula. Ka Paleh, Pu Ji Meurnoe Bak Kuliah?"
Post a Comment