Karu di Jakarta, Anies: 6 Ka Meuninggai, Leubeh 200 Droe Luka
Nasaja Berita – Jakarta, Dari beuklam teungöh malam, Rabu (22/5) suasana di Jakarta leupah gura ka. Abeh karu, ka meu'en teumimbak rata sagoe. Ji seupöt ureung lè peulisi abeh na teuh kiraju.
Lè ureung demo pipel powe pih ji töt moto meukupoi neukiraju. Leupah le video bak pesbuk awak nyo bagikan. Teuman lagee haba itu, kadang ka lè hana meuhoe video, ji hapoih le pesbuk seubab meulanggar komunitaih pesbuk jipeugah. Aleh komunitaih pu pih hana Apa teupu.
Meunurot data nyang sampe poh 9 bunoe beungöh. Jipeugah le Gubernur DKI Jakarta, Anies Baswedan ka na 6 droe ureung nyang meuninggai dan na 200 droe leubeh ureung ka abèh luka ,ji baplueng u rumoh sakèt dan pat-pat nyang mungkèn ju ji pareksa dan ji peuubat.
Anies jak jeunguk pasien nyang luka-luka nyan dum u rumoh saket Daerah Tarakan. Meunan Apa baca bak Detik satnyoe, watee karap leuho uroe.
Bentrok dan ricuh antara awak demo pipel powe ngön peulisi ji peugah sinan, seubab awak demo jak rhom peulisi. Dan seumakèn meutamah brat laju-laju. Darj di keu kanto Bawaslu, sampe Pos Brimob di Pentamburan karu. Bunoe beungöh ka u Tanah Abang.
Nyan ka hana pat bloe bajèè baro sang uroe raya nyo, meunyo jadèh ji tet Pasai Tanah Abang kiraju.
Na haba nyang bahwa awak peulisi ji timbak awak demo people power (pipel powe) nyan ngön aneuk beudè keubiet-keubiet kön ngön aneuk karet.
Tapi ka ji bantah le Kabid Humas Polda Metro Jaya, Pak Argo. "Kamoe jamin peulisi hana nyang pakek aneuk beudè proyektil timah."
Teuman keu beutoi ngön kön hana Apa teupu sit. Apa urusan peu ék berita. Sumber beu jeulaih ka abeh peukara. Keu neupatèh atawa hana nyan pulang piké bak syedara. Nyang ka teuntè, hana hoax atawa dusta. Pu lom nyo buleun puasa. Nasaja kiraju.
0 Response to "Karu di Jakarta, Anies: 6 Ka Meuninggai, Leubeh 200 Droe Luka"
Post a Comment