Ka Seulesoe Lheuh Meuduek Pakat Panitia Buka Puasa di Madat Deungon FPI Aceh Timu

Nasaja Berita – Aceh Timu,  Kon na acara buka puasa nyang ji peuduek le Mahasiswa ateuh nan Silaturrahmi Mahasiswa Vol 4 nyang gabuek baroesa ngön baroe gara-gara info ji meu'en gitar keu musik watee preh buka puasa, tapi ka hana roh ceuramah lam thon nyo, ka seuleusoe.

Baroe panaih neukira ju. Seubab beda pandangan, bacut sagai masalah, teuman jeut keu rayek siangen. Hana rayek that sit. Siangen sagai.

Jadi nyang hadir bak meuduek pakat nyan, atawa klarifikasi na ureung FPI leungkap ngön Laskar geujak, untuk peugah haba teunte hana mandum, geuwakili le Tgk Nyak Abdullah Ali seulaku endahara FPI dari Aceh Timu, na droegeuh Tgk Musliadi dan na sit dua droe pimpinan Dayah di Madat nyang jak. Nan hana Apa tusoe, seubab hana geupeugah nan.

Nyopat Video nyang jeulaih

Dari panitia ya ka pasti na lah. Kon han mungkn tan panitia. Sit acara pakat duek ngon pantia. Nasaja kiraju. Ketua panitia Rahmat Hidayat dan Akmal Yolando, nyan nyang na geujok nan bak Apa. Anggota panitia laen na sit, teuman hana mungken ta tuleh mandum ka punoh ngön nan, han löt berita. 

Ureung nyan kalheuh duek meumat jaroe. Masalah nyan ka seuleusoe. Nyan ka baca berita bek le neujak dhot awak mahasiswa nyan. Biasa nyan aneuk muda.

Jadi ka geumeupakat, saban-saban nyan memang acara nyang jroeh. Teuman bak roh gr'eng-gr'eng gitar lam supot puasa bak preh buka, sinan sagai silap. Padahai inti acara santunan aneuk yatim.

Di ureung FPI dan Tgk Mus geuproteh acara nyan seubab bèk sampè jeut keu budaya. Meuramah teuh ukeu, rata sagoe na musik. Nyan mantöng. Seudangkan di panitia, untuk keu na hiburan bacut keu aneuk miet nyang yatim nyang jiundang untuk ji brie santunan. Lom pih musik religi, bacut sagai. Meupadum boh lagu. Kön lagu meupanchöt-panchöt lagee ateuh panggong awak luwa nanggroe atawa jak goyang-goyang lagèè awak dangdut. Hana meunan. Nyan ban kiraju.

Nyopat Video haba Panitia

Jeut takheun, na salah paham siangèn bak buet jroeh roh meujampu siangèn deungön musik nyang bak lam pikiran para Teungku dan FPI hana cocok ta lawöm keunan,seubab geutanyoe meu syari'at iseulam. Nyan Apa peujeulaih sagai bacut. Dari info nyang ka geubrie le ureung nyo dari baroe.

Nyan meunan kön galak teuh jroh laju neukiraju. Pat na nyang masalah, ta peuteupat. Nyang bek karu dan dawa pu lom pakè, sabè droeteuh buleun puasa pu karu. Kön nyoe meunan ilèè syedara meutuwah. Neukira nyoe laju, mangat bagah. Bek dawa ngön Apa eunteuk ka meuh'op Da Mulah kiraju.

Share this post